Nao lăng gru grua hiam dêh čar Lao hăng ngui kơsăi ia amăng plơi prong kơphê
Thứ hai, 16:41, 05/05/2025 VOV Tây Nguyên/Siu H'Mai Pơblang VOV Tây Nguyên/Siu H'Mai Pơblang
VOV4.Jarai - Amăng lu bruă jơnum ngui gru grua, tuai čuă ngui amăng hrơi pơdơi 30/4 hăng 1/5, mơguah tom brơi (4/5), mơnuih ƀôn sang hăng ƀing tuai hyu ngui ƀơi Dak Lăk hơmâo sem lăng gru grua djuai ania Lao laih anun ngui kơsăi ia mơ̆ng djuai ania Lao ƀơi tong krah plơi prong Buôn Ma Thuột.

Amăng hrơi mông mơak mơai, jua mơñi đik đak hơdok kơdor mơ̆ng yŭ adoh wơ̆t hăng yŭ pĕ goong atông brô gru djuai ania Lao, mơnuih ƀôn sang hăng tuai čuă ngui hơmâo lăng arăng atông čing, atông đing t’rưng, pah đing pi hăng suang Lăm vông, buh eng ao mơñam hơmâo anăn ia iŏm hiam dăp kơdư. Hơdôm tơlơi suang kah hăng Bơnga hiam Chăm Pa, Sao Ken Fai, Sa La Vắn, I Kơng Đươn Đao...jak iâu ƀing tuai mut hrŏm hăng ƀing tơdăm dra Lao.

Hrŏm hăng anun hơmâo tơlơi ngui kơsăi ia jing tơlơi ngă yang ba đuăi bơyan phang, hơduah ia hơjan kiăng adai ñu rơ-ơ̆, rok tok čim brim čeh čar. Anai jing tơlơi ngă yang pơpŭ mơ̆ng djuai ania Lao, kiăng abih bang rao rơgoh drĭ driang (grĭ grañ), čơkă tơlơi klă hiam, yâo mơ-ak amăng thun phrâo.

 

VOV Tây Nguyên/Siu H'Mai Pơblang

Viết bình luận

TIN CÙNG CHUYÊN MỤC

Video

Klêi mtă mtăn kơ jih jang
Ŏ buôi krô
29/07/2024
Tơgŭm ƀô đô̆i tơblăh ayăt
13/07/2024
Việt Nam ngời sáng tương lai
11/07/2024