Jơnum ngui ngor mơak plơi Sen lĕ sa bruă mă, tơlơi jơnum ngui gru grua mơak amăng tơlơi hơdip mơda, pran jua mơnuih ƀôn sang amăng dêh čar ta lăi hrŏm hăng tơring čar Nghệ An hnun mơ̆n, kiăng pơdah rai pran jua pơpŭ, hơdor tơngia mơ̆ng djuai ania ta hăng Wa Hồ. Amăng mlam pơdah tơlơi adoh suang pok pơphun tơlơi ngui ngor plơi Sen, Khua git gai ping gah hrŏm hăng khua mua ping gah, Kơnuk kơna, khua mua Ding jum kông an, khua mua tơring čar Nghệ An hăng ƀing khua mua nao pơhmư̆ hơmâo đĭ trơ̆i bơnal, pơdah thâo rup trah “Wa Hồ glăi čuă plơi pla”.

Rup trah anai “Wa Hồ glăi čuă plơi pla” dlông 12 met, tuh hăng pơsơi ia kông phrâo, tuh hăng jua ia tui boh thâo ia rơgơi rơnuk anai. Rup trah anai pơdong ƀơi tơdron čưng boh lông plwoi Sen-anih Wa Hồ tom pơhiăp ră ruai hăng mơnuih ƀôn sang amăng 2 wơ̆t glăi čuă plơi pla pô. Rup trah anai yua Ding jum kông an ming pơkra hăng jao glăi kơ plơi pla, pơhrôp glăi rup Wa Hồ glăk čuă plơi pla phun amăng thun 1961.