VOV4.Jarai - Ding jum bôh thâo, bơkơjăp drơi jăn hăng tuai čuă ngui hmâo tơlơi pơsit ba bôh thâo mơnuih ƀôn sang kơ sâm Ngọc Linh ƀơi 2 bôh tơring glông Tŭ Mrông hăng Đăk Glei, tơring čar Kon Tum mut amăng hră čih anăn gru grua bôh thâo lŏn ia.

VOV4.Jarai - Bruă rơngaih mơñam mơ̆ng djuai ania Bahnar ƀơi Gia Lai hmâo mơ̆ng sui laih, dưi pơtô glăi mơ̆ng rơnuk anai truh kơ rơnuk adih hăng djă pioh truh kơ ră anai. Anai ƀu kơnong kơ bruă mă tui phiăn juăt ôh mơ̆ ñu dô̆ jing gru bôh thâo đưm phara ha jăn mơ̆ng neh wa djuai ania ƀiă ƀơi anai dong.

VOV4.Jarai - Ngă yang pin ia jing tơlơi ngă yang hơmâo mơ̆ng đưm laih mơ̆ng lu phung djuai ania ƀiă kual Dap Kơdư, pơdah pran jua thâo pơpŭ hăng ia - phun tơlơi hơdip mơda mơ̆ng plơi pla. Ƀơi să guai lŏn ia Krông Na, tơring glông Buôn Đôn, tơring čar Dak Lăk, tơlơi ngă yang hơmâo djuai ania M’nông Preh pơphun rim thun kiăng yang ia brơi ia hiam, jơngeh či yua.

VOV4.Jarai-Lơ 28/5, gơnong bruă gru grua, bơrơguăt drơi jăn hăng tuai čuă ngui Dak Lak pơphun mông lăi pơthâo jơlan hơdră pơhưč tuai čuă ngui amăng bơyan pơdơi prong thun 2025.

VOV4.Jarai-Amăng gru grua yôm phara mơng djop djuai ania ƀơi kual Dap kơdư, mơnuih djuai ania Bahnar ăt dŏ djă pioh lu gru grua yôm phara, pơdah tơlơi pơmĭn hăng tơlơi hơdip kơ ană mơnuih. Sa amăng hơdôm gru grua anun lĕ phiăn juăt djă pioh bông pơgŭ krum, pơƀuh tơlơi yôm amăng tơlơi ngă yang rah, hăng kiăng prap lui hlâo kơ hrơi mông glăi pơ ơi yă.

VOV4.Jarai - Gơnong bruă pơtô pơhrăm tơring čar Dak Lak phrâo pơphun bơkơtuai bôh thâo phrâo hăng anăn ñu “Pơtô pơhrăm gru grua bôh thâo Dap Kơdư kơ čơđai sang hră – hơdôm tơlơi pơblang hăng bôh nik ñu”.

VOV4.Jarai - Amăng kual čư̆ siăng Dap Kơdư kơdrưh kơ-ang, anih jua čing jing jua suă pran mơ̆ng tơlơi hơdip mơda, hơmâo sa čô tơdăm Êđê glăk hmư̆ hing hăng gru grua đưm. Anun lĕ Y Puen Niê (juăt iâu lĕ Ama Phiu), ƀơi ƀuôn Phung, să Čư̆ Pui, tơring glông Krông Bông, tơring čar Dak Lăk, mơnuih hor hăng ƀu pơdơi pơdă djă pioh, pơtrut tui djuai goong brô̆ đưm mơ̆ng djuai anai pô.

VOV4.Jarai - Anăp nao ngă lơphet 135 thun hrơi tơkeng Khua mir sir Hồ Chí Minh (lơ 19/5), Khul čih gru grua boh thâo tơring čar Dak Lăk ngă hrŏm hăng Trung đoàn tơhan rŭi hyu hơdeč kual Dap Kơdư pơphun jơlan hơdră “Rơđah na nao anăn Wa”.

VOV4.Jarai-Ƀrô djơ̆ tal hơdor glăi 135 thun hrơi tơkeng kơ Khua mir sir Hồ Chí Minh lơ 19/5/1890-lơ 19/5/2025, tlam mơmŏt lơ 15/5, Khua git gai ping gah ơi Tô Lâm nao jơnum pơphun hrơi  ngui ngor mơak Plơi Sen thun 2025 hăng pơdah thâo rup trah “Wa Hô glăi čuă plơi pla” ƀơi să Kim Liên, tơring glông Nam Đàn, tơring čar Nghệ An.

VOV4.Jarai-Ƀrô hơdor glăi tal 135 thun hrơi tơkeng kơ Khua mir sir Hồ Chí Minh, Ding jum gru grua Pơrơguăt drơi jăn hăng Tuai čuă ngui pơphun Jơlan hơdră adoh suang yom phar hăng akŏ ñu : “Gơnam pơyơr kơ Wa blan 5”.