VOV4.Jarai - Tlam lơ 5/4, ƀơi Hà Nội, Anom pơtô bruă Ping gah dêh čar ngă hrŏm hăng Ding jum gru grua bơkơjăp drơi jăn hăng tuai čuă ngui pơphun Jơnum hăng Khul pơlir hơbit djŏp khul čih boh hră, adoh suang Việt Nam hăng djŏp khul čih boh hră, adoh suang apăn sa mơta bruă 3 blan tal 1 thun 2024.

VOV4.Jarai-Amăng lu bruă mă pơhưč hơdră Hrơi hơdrôm hră hăng gru grua pơđok hră Việt Nam tal 3 ƀơi tơring čar Dak Lak pơphun mơguah lơ 5/4.

VOV4.Jarai-Lui hĭ bruă apah đĭ rơman pơgiăng amăng wông, ƀing tuai rơnguai sit nao pơ đang glai Yok Đôn, tơring glông Ƀuôn Đôn, tơring čar Dak Lak amra hyu amăng glai kơnong ĕp rơman, tơña kơ bruă mă, rông rơman, čơphil rup hăng rơman, lăng rơman ƀong rơ̆k, rơman mơnơi drum ia, rơman rơbat hyu amăng glai…..Rơman huăi akă hăng hrĕ čơwăk, tơning hăng hrĕ huai dơ̆ng tah ƀudah pơgiăng hyu tuai đĭ rơman hrup hlâo adih. Anai lĕ tơlơi djru ba kơ ƀing kiă rơman, pô rơman lan amăng hơdră ba tuai hyu ngui jĕ giăm hăng rơman hlăk pok pơhai ngă tui ƀơi đang glai dêh čar wai lăng či Yok Đôn.

VOV4.Jarai-Mơnuih djuai ania Bahnar hơmâo tơlơi phiăn pơdô̆ rơkơi bơnai tui gru grua, hăng hơdôm anŏ yôm phara hăng hiam klă hloh. Lơm hơdôm djuai ania ƀiă ƀơi kual Dap kơdư tui kơnung amĭ, mơnuih djuai ania Bahnar tui dua bơnah, anai lĕ sang anŏ đah rơkơi đah kơmơi amra gum hrŏm prap lui hrơi pơdô̆. Anai lĕ gru grua hiam, hơmâo mơnuih djuai ania Bahnar djă pioh mơng đư đă truh ră anai.

VOV4.Jarai-Mơmŏt lơ 28/3, ƀơi kuận Bình Thạnh, ƀôn prong Hồ Chí Minh hơmâo pơphun “Hrơi ngui tơnă hơbai gơnam ƀong jơman Saigontourist Group thun 2024”, hăng trơbêh 400 gơnam ƀong, ia mơñum mơng djop kual đơ đam dêh čar ba nao pŭ brơi abih bang mơnuih.

VOV4.Jarai – Amăng hơdôm thun jê̆ hăng anai, biă ñu mơ̆ng tơdơi kơ klin Covid-19, tuai čuă ngui plơi pla Dak Lak hmâo hơdôm yak pơđĭ kyar klă.

VOV4.Jarai – Pri pơplông waih song tui phiăn juăt ngă pơhưč lu mơnuih ƀôn sang hăng tuai hyu čuă ngui lăng tui, pah tơngan. Amăng hrơi anun mơn, ƀơi rơhuông adai Gia Nghĩa, tơring čar Dak Nông hmâo lu yu juang nao rai hmâo rơdêh por hăng khăn gru mriah boh pơtŭ kơñĭ, ngă jă dong anô̆ hiam dơnao ƀơi krah plơi prong anai.

VOV4.Jarai - Djuai ania Êđê ƀơi Dak Lăk hơmâo lu añăm ƀong jơman mơ̆ng hla kyâo, añăm hla rok čăt amăng glai, amăng đang hmua. Mơ̆ng anun, añăm ƀong mơ̆ng phun bơngưi ƀuda đa iâu lĕ phun rơtơi hơmâo lăng jing añăm ƀong jơman phara. Anai jing phun bơnga hiam, ƀâo bơngưi, hơbai añăm jơman hơmâo ƀơi hơdôm boh plơi pla Dak Lăk

VOV4.Jarai - Ƀrô ngă lơphet 20 thun akŏ pơdong glăi, mơguah lơ 22/3, Jơnum min mơnuih ƀôn sang tơring čar Dak Nông ngă hrŏm hăng Anom bruă djă pioh Dêh čar mrô 2 pơphun Jơnum pơdă prưng rup “Gru grua akŏ pơdong, hơdôm tơlơi truh kih gah kơđi čar, bơwih ƀong, rơnuk rơnua, ling tơhan mơ̆ng Dak Nông amăng 20 thun”.

VOV4.Jarai-Lơ 22/3, ƀơi plơi prong Ƀuôn Ma Thuôt, tơring čar Dak Lak hơmâo pok pơhai jơnum pơplông pơrơguăt drơi jăn djop Gơnong bruă đang hmua hăng pơđĭ kyar plơi pla kual Dơnung ngŏ hăng Dap Kơdư.