Pơhiăp ƀơi jơnum jak iâu pơhrăm glăi, Khua sang hră kơđi čar Hồ Chí Minh, ơi Nguyễn Xuân Thắng lăi rơđah, thun blan laih rơgao, Ping gah, Kơnuk kơna ta hơmâo ngă lu hră pơtrun, jơlan hơdră, tơlơi phiăn pơkă kiăng akŏ pơjing atur mă bruă hăng ia rơgơi mrô, pơtrut pơblih yua mrô amăng abih bang bruă mă. Boh nik ñu Hră pơtrun 57 mơ̆ng Ding jum kơđi čar hơmâo pơtong rơđah, pơđĭ kyar bruă ba yua mrô, boh thâo ia rơgơi, pơblih pơčeh phrâo hăng mrô gưl dêh čar jing sa yak bruă prong hăng kơtang hloh ba akŏ, ăt jing pran kơtang pơtrut hmar djop ling tơhan hăng mơnuih mă bruă phrâo, kơhnâo rơgơi, kiăng ba lŏn ia ta đĭ nao pơ anăp hrưn pran jua pô ngă pơdrong amăng rơnuk phrâo.

Khua sang hră kơđi čar Hồ Chí Minh, ơi Nguyễn Xuân Thắng rơkâo, pơ anăp adih, amăng sang hră pơtô bruă kơđi čar amăng dêh čar kiăng ngă tui kơtang hloh ba yua boh thâo ia rơgơi mrô, pơblih pơčeh phrâo, ba yua ia rơgơi mrô pioh git gai wai lăng, mă bruă, truh pơtô hrăm, pơhrăm glăi, kơsem min boh thâo ia rơgơi kơ abih bang, hlom bom, yak nao pơ anăp, lăng nao bruă phun pơblih yua mrô yơh pran kơtang kơ bruă pơđĭ kyar.