Klah čun ƀơi mông jơnum, Khua git gai ping gah ơi Tô Lâm lăi pơtong, Kơčăo bruă pơphun bruă mă ling tơhan tơring čar, plơi pla kiăng hơbôt, kơtang, beč bal lĕ dưi ngă djơ̆ bruă jao amăng rơnuk phrâo, gêh găl hăng bruă ba yua boh thâo ia rơgơi phrâo gah ling tơhan, pơhlôm, pơgang dêh čar laih anun jơlan hơdră phara kơ ling tơhan či ngă. Boh nik ñu, ngă djơ̆ tơlơi pơtrun ping gah pô git gai prong hloh, kiăng ling tơhan mơnuih ƀôn sang Việt Nam gưt hiăp kiăo tui ping gah sit nik, djop bruă mă yua Ding jum kơđi čar, Khul khua apăn bruă git gai ping gah dêh čar pô pơčrâo bruă;  ngă djơ̆ tơlơi pơmin, bruă mă hăng pơphun ling tơhan mơnuih ƀôn sang Việt Nám hơmâo čih pơsit amăng hră pơtrun mơ̆ng ping gah, hră klah čun jơnum; khom ngă djơ̆ anăn ling tơhan jing mơnuih gơgrong phun pơgang tong ten lŏn ia Việt Nam mơnuih mơnam ngă pô.

Khua git gai ping gah rơkâo, ăt dăp glăi bruă mă, sang bruă ling tơhan tơring čar plơi pla khom tui jơlan hơdră mơ̆ng Ping gah, kơnuk kơna pơtrun kiăng hơbôt, kơtang beč bal, mă bruă tŭ yua; pơhrŏ hĭ anom bruă khua pô tong krah ƀu kiăng đơi ôh, kơnong pơphun anŏ bruă či kiăng biă mă ngă tui hơdră ling tơhan pơhlôm amăng mơnuih ƀôn sang, tơlơi blah ngă hơmâo mơnuih ƀôn sang ngă hrŏm laih anun pơgang kơjăp lŏn ia, guai dêh čar kơjăp kơtang.