JARAI.VOV.VN - Ƀơi plơi prong Kon Tum, Khul ƀing kơhnâo kơhnăk suang Việt Nam ngă hrŏm jơnum min mơnuih ƀôn sang tơring čar Kon tum jơnum pơđut jao pri tal pơplông suang djuai ania Việt Nam, pơđut sa rơwang hrơi tơjuh suang Việt Nam 2024 hăng akŏ ñu “Hnoh ia krông anŏ bơngač”.

VOV4.Jarai - Hăng anăn ñu “Glông ia krông bơngač rơđah”, ƀơi Sang rông Kon Klor, phường Thắng Lợi, plơi prong Kon Tum, Khul mơnuih adôh suang Việt Nam gum hrŏm hăng Jơnum min mơnuih ƀôn sang tơring čar Kon Tum pok phun Rơwang hrơi tơjuh suang Việt Nam thun 2024.

VOV4.Jarai-Pơtong rơđah bruă tuai čuă ngui, gru grua hiam jing anŏ gêh găl, tơring čar Dak Lak hlăk ngă hăng hơmâo lu hơdră pơtrut pơđĭ tui bruă tuai hyu ngui amăng tơring čar. Mơ̆ng anun, djă hnơ̆ng rơnoh pơđĭ kyar pơhrui glăi rơbêh 15% rim thun. Kiăng thâo rơđah kơ bruă anai, pô čih tơlơi pơhing H’Xíu, dŏ ƀơi kual Dap Kơdư hơmâo tơña hăng bơ ră ruai tom yă Nguyễn Thụy Phương Hiếu, Kơ-iăng Khua gơnong bruă gru grua, Pơrơguăt drơi jăn hăng Tuai čuă ngui tơring čar Dak Lak.

VOV4.Jarai - Tlam lơ 9/10, ƀơi Hà Nội, hră pơhing Nhân dân pơphun mông pơdă prưng pơƀuh glăi gong hla kơ Hà Nội hăng lăi pơthâo črăn tơlơi pơhing yôm phăn mơng tal hơdor glăi 70 thun hrơi pơklaih rơngai plơi prong jưh jom (10/10).

VOV4.Jarai - Ƀrô djơ̆ tal hơdor glăi 70 thun Hrơi tlaih rơngai plơi prong jưh jom (10/10/1954 – 10/10/2024) hăng 25 thun Hà Nội dưi UNESCO ƀơk hră pơ anăn “Ƀôn prong yua kơ tơlơi rơnuk rơnua” (16/7/1999 – 16/7/2024), Jơnum min mơnuih ƀôn sang ƀôn prong Hà Nội pơphun jơlan hơdră “Hrơi jơnum ngui Bôh thâo đưm yua kơ Tơlơi rơnuk rơnua” ƀơi kual Dơnao Hoàn Kiếm – gru lăi nao bôh thâo đưm mơ̆ng plơi prong jưh jom. Jơlan hơdră lĕ tal pơpŭ gru grua phiăn juăt mơ̆ng Hà Nội, hrŏm hăng anun lăi pơhưč gru rup plơi prong jưh jom kiăng khăp tơlơi rơnuk rơnua truh anih bang djop mơnuih ƀôn sang hăng gơyut gơyâo jar kơmar.

VOV4.Jarai - Sa čô đah kơmơi djuai ania Êđê rơngiă pran mă bruă, kiăng hmâo prăk pơhrui glăi pioh mă yua rim hrơi hăng rông ană ƀu klă drơi jăn. Yă H’ Rưm H’mok ƀơi buôn Hra Ea Hning, să Dray B’hăng, tơring glông Čư̆ Kuiñ, tơring čar Dak Lak gơgrong pô hơkrŭ glăi bruă rơngaih mơñam băn ao đưm gah djuai ania Êđê. Rơbêh kơ 4 thun rơgao, ƀu kơnong kơ pơjing rai prăk pơhrui glăi hơđong ôh mơ̆, yă H’Rưm H’mok dô̆ djru lu adơi amai amăng buôn hmâo bruă mă hăng pơhrui glăi prăk hơđong.

VOV4.Jarai-Mơguah lơ 3/10, Gơnong bruă Gru grua Pơrơguăt drơi jăn hăng Tuai čuă ngui tơring čar Dak Nông ngă hrŏm Khul grup pô rơdêh đĭ hyu amăng čư̆ čan Sài Gòn pơphun pơplông rơdêh đĭ čư̆ čan amăng glai klô, lông mơgăt hyu amăng jơlan mrơ̆k glai klô čroh hnoh.

VOV4.Jarai - Khul pơlir hơbit Đah kơmơi dêh čar Việt Nam gum hrŏm hăng Ding jum pơtô pơhrăm pơphun bơkơtuai, pơdah pơčeh phrâo hăng bruă lăi pơhing pơđ dlông tơlơi pơmin kơ dưm kơnar kơ hlăk ai djuai ania ƀiă.

VOV4.Jarai - Mơguah lơ 1/10, Jơnum min mơnuih ƀôn sang tơring čar Dak Lak pơphun ngă Lơphet pok phun bruă “Dak Lak bơkơtưn pơjing mơnuih mơnam pơhrăm, pơtrut pơhrăm na nao rơwang 2023-2030” hăng pok phun Rơwang hrơi tơjuh anăp nao pơhrăm na nao thun 2024.

VOV4.Jarai - Mơ̆ng lơ 27/9 – 4/10, ƀơi Anom bôh thâo đưm tơring čar, Gơnong bruă Bôh thâo đưm, Bơkơjăp drơi jăn hăng Tuai čuă ngui tơring čar pơphun bruă Pơdă prưng rŭp tơring čar Dak Lak tal II, thun 2024.