VOV4.Jarai - Ngă yang pin ia jing gru hiam hơmâo mơ̆ng đưm laih mơ̆ng djuai ania Jarai ƀơi tơring čar Gia Lai. Hăng mơnuih djuai ania Jarai, pin ia ƀu kơnong jing anih pơƀut sô̆ ia, anih neh met wa ră ruai tơdơi kơ sa hrơi mă bruă đôč ôh mơ̆ ăt pơƀuh tơlơi pơmin mơ̆ng ană plơi amăng bruă pơgang ba anih hơdip jum dar, wai lăng glai klô, răk pioh ia hơdjă, rơ-ơ̆ mơ̆ng plơi pla.

VOV4.Jarai - Mơnuih djuai ania Êđê djă kơnung amĭ anun jing bruă pơdô̆ djă kông juăt yua sang đah bơnai pơphun ngă. Sang đah bơnai yơh pô prăp rơmet pơnŭ pơnang, bơ sang đah rơkơi ñu dưi tơña pơnŭ. Pô đah bơnai tŭ rơkơi glăi dŏ hrŏm hăng sang amĭ ama ñu, samơ̆ pô đah bơnai anun ăt pioh hrơi mông dŏ glăi pơ sang đah rơkơi mơn hlâo či pơdô̆. Anai jing gru grua phara amăng tơlơi phiăn djă kông pơdô̆ rơkơi bơnai mơ̆ng djuai ania Êđê.

VOV4.Jarai – Čơtlăm lơ 4/1, ƀơi Hà Nội, Gong phun jua pơhiăp dêh čar Việt Nam pơphun Jơnum klah čun bruă mă thun 2023, pok pơhai 15 bruă mă amăng thun 2024.

VOV4.Jarai - Ƀơi plơi prong Đà lạt, tơring čar Lâm Đồng phrâo pơphun tal hơdor glăi 130 thun akŏ pơjing hăng pơđĭ kyar, tŭ mă miđai plơi prong pơčeh phrâo gah tơlơi adôh suang mơng UNESCO. Nao jơnum hrŏm hơmâo Phan Đình Trạc-Ding kơna Ding jum kơđi čar, Khua apăn bruă Ping gah, Khua anom bruă pơphun bruă gơnong glông, Lê Minh Khái-Khua apăn bruă Ping gah, Kơ-iăng khua dêh čar, pơ ala brơi djop ding jum, gơnong bruă gơnong glông, khua mua, khua Ping gah, Kơnuk kơna, amĭ Việt Nam sông kơtang, ƀing tuai čuă ngui mơng jar kmar, hrŏm hăng mơnuih ƀôn sang hăng tuai čuă ngui.

VOV4.Jarai-Mơguah tom brơi, lơ 2/1, ƀattô pơgiăng tuai hyu ngui hnong 5 asar pơtŭ Westerdam mơ̆ng anom bruă gah ia rơsĭ Holland America Line pơgiăng 2000 čô tuai hyu ngui rai truh pơ tơdrun kompăn Tiên Sa, čuă jơmư ƀôn prong Đà Nẵng.

VOV4.Jarai- Mơguah tom brơi (1/1) ƀơi plơi prong Buôn Ma Thuột, Khul pơlir hơbit hlăk ai Việt Nam tơring čar Dak Lak, grup Dak Lak runners hăng Team bơrơguăt drơi jăn - suaih pral gum hrŏm pơphun đuăi pơplông “Tơkai yak mơng ania čơgrai” čơkă thun phrâo 2024.

VOV4.Jarai-Hăng djop djuai ania ƀiă kual Dap Kơdư, Tơlơi akhan hri djă pioh lu mơta gru grua hiam, ia rơgơi tơlơi kơhnâo mơ̆ng đưm đă pơdŏ glăi, ăt kah hăng tơlơi găn rơgao thâo thăi amăng tơlơi hơdip mơda lu rơnuk laih djă pioh. Rim kơ tơlơi akhan hri lêng kơ hơmâo boh yôm bơngăt jua mơ̆ng gru ama grua amĭ, kah hăng jua adoh, tơlơi pơhiăp tơ-ua hyu amăng lŏn glai hing ang bang hyu truh pơ tơlơi hơdip mơda plơi pla djuai ania ƀiă rơgao rơbâo thun gru phun. Guang jua tơ-ua glăi anun, tơdơi kơ lu thun rơgao hĭ, ñu tơdu rơnang tui samơ̆ ră anai mưn glăi anŏ yôm klă amăng plơi pla lơ̆m dưi rŭ glăi tơlơi akhan hri.

VOV4.Jarai - Thun 2023, bruă tuai čuă ngui ƀơi hơdôm boh tơring čar kual Dap Kơdư hơmâo lu tơlơi pơplih phrâo. Hăng lu bruă ngui ngor gru grua, bơkơjăp drơi jăn hăng tuai čuă ngui hơmâo pơphun mơ̆ng kual truh pơ plơi pla, tuai čuă ngui ƀu kơnong pơtrut bruă bơwih ƀong đôč ôh mơ̆ ăt glăk “râu mơdưh” gru grua boh thâo hiam amăng plơi pla djuai ania hơđăp.

VOV4.Jarai - Tlam lơ 28/12, ƀơi să Hoà Phú, plơi prong Buôn Ma Thuột, gơnong bruă gru grua, bơrơguăt drơi jăn hăng tuai čuă ngui Dak Lak pơphun akŏ pơjing grup hăng pơđut hĭ anih črâo ba bruă pơtô glăi gru grua sô hơđăp djuai ania Thái.

VOV4.Jarai - 204 boh sang anŏ djuai ania Sêdang Hà Lăng ƀơi plơi Đăk Đe, să guai dêh čar Rờ Kơi, tơring glông Sa Thầy tơring čar Kon Tum hok mơ-ak ngă yang Đĭ sang phrâo.