Pok jơlan rơdêh treng “Bơnai pơtao” brơi kơ tuai čuă ngui ƀơi Đà Lạt
Thứ tư, 10:33, 25/12/2024
VOV Tây Nguyên/Siu Đoan Pơblang
VOV Tây Nguyên/Siu Đoan Pơblang
VOV4.Jarai-Mơmŏt lơ 24/12, ƀơi plơi prong Đà Lạt (Lâm Đồng), Kông ti jơlan rơdêh treng Việt Nam sit nik mă yua jơlan rơdêh treng đuăi hiam hruaih La Reine (Hoàng Hậu) brơi kơ tuai čuă ngui găn nao rai mơng Đà Lạt-Trại Mát.
Anai lĕ gơnam bơwih brơi tuai čuă ngui mut hrŏm Festival bơnga Đà Lạt tal 10 thun 2024. Rơdêh treng anăn “Bơnai pơtao” hơmâo pơkra hiam hloh, anai lĕ pơmut hrŏm kơplah wah kual Đông Dương hăng dêh čar Prang, pơdah anŏ hiam tui hơđăp kual Á Đông, laih dong tui anŏ hiam mơng Đà Lạt.
Hơdôm črăn rơdêh treng hơmâo dưm 36 boh grê, dŏ dua bơnah, tơlơi anai amuñ lăng hyu gah rơngiao rôk tui jơlan găn nao rai. Đĭ pơhiăp amăng mông pok jơlan rơdêh treng, ơi Nguyễn Thái Học, pơ ala Khua git gai Ping gah tơring čar Lâm Đồng pơsit tong, anai lĕ gơnam bơwih brơi tuai čuă ngui yôm phara, pơhưč lu tuai đĭ rơdêh treng găn nao rai.
Viết bình luận