Hơdră lĕ sa amăng hơdôm bruă ngă tui bruă jao mơ̆ng Rơwang bruă 6 amăng rơwang Jơlan hơdră pơkă mơ̆ng lŏn ia pơđĭ kyar bơwih ƀong, mơnuih mơnam kual neh wa djuai ania ƀiă hăng kual čư̆ siăng, rơwang 2021-2030. Gum hrŏm hơdră, hăng tơlơi pơtô ba mơ̆ng hơdôm mơnuih lăi pơthâo glăi bruă hăng lơm pơtô glăi amăng plơi pla, mơnuih pơhrăm dưi hrăm hơdôm hơdră atông čing hơgor mơ̆ng phun truh kơ pơđĭ dlông, pơplih pơkra hơdôm anô̆ sôh juăt bưp amăng atông čing, hơduah ĕp dong sa dua mơta tơlơi atông čing đưm gah djuai ania Êđê.

Mơnuih nao hrăm ăt dưi hrăm mơn bôh thâo photovoice – mă yua rup pioh ruai glăi hơdôm tơlơi bôh thâo đưm djuai ania. Hơdră djru mơnuih ƀôn sang thâo rơđah hloh kơ anô̆ yôm gru grua đưm pô glăk djă pioh, ư-ang dong hăng pơtô glăi bôh thâo čing hơgor Dap Kơdư; Ngă gal brơi pioh gru grua bôh thâo čing hơgor jing kông ngăn kơ tuai čuă lăng, tô nao rai plơi pla hăng pơjing jơlan tuai čuă lăng gru grua đưm. Tơdơi kơ plơi prong Buôn Ma Thuột, Gơnong bruă amra pok pơhai dong, pơhư prong ƀơi hơdôm bôh tơring glông kiăng pơjing jơlan tô nao rai hơdôm bruă mă gru grua đưm ƀơi tơring čar Dak Lak./.