Thun 2024, Bruă abih bang mơnuih ƀôn sang gum pơgôp akŏ pơdong tơlơi hơdip mơda rơguăt hiam dưi pok pơhai ngă tui tŭ yua mơ̆ng gơnong dlông truh pơ plơi pla, lir hơbit hăng bruă mă, pơtrut pơđĭ kyar bơwih ƀong huă mơnuih mơnam, ăt bang hyu kơtang amăng tơlơi hơdip mơnuih ƀôn sang. Kơnong kơ boh yom phun bruă mă, mơnuih ƀôn sang hăng djop anom bruă hơmâo ngă djơ̆ tơlơi pơdjru nao rai, khăp pap, pơtrut bruă mă “Hơdor tơngia tla pran”, čuă jơmư pơtrut pơsur pran jua, pơdah rai pran jua thâo hơdor tơngia hăng mơnuih tuh rơyuh pran jua yua kơ dêh čar.

Pơhiăp ƀơi mông jơnum, Kơ-iăng Khua dêh čar ơi Lê Thành Long lăi pơtong, bruă mă “Abih bang mơnuih ƀôn sang gum pơgôp akŏ pơdong tơlơi hơdip mơda rơguăt hiam” ăt jing tơmeh phun kơjăp gôm djop mơta bruă mă amăng tơlơi hơdip mơda mơnuih mơnam. Rơkâo amăng thun 2025, ruah mă akŏ bruă ƀudah pơtong sit anŏ kơdŏm kiăng pok pơhai brơi ngă tui găl, amăng anun khom đing nao bruă hơkrŭ kơdong ƀu tŭ yap ôh hăng bruă ngă ƀu djơ̆, ƀu rơguăt hiam, wơ̆t bruă ngă soh glăi tơlơi phiăn.