Anih pơdah adoh suang pơdah tơlơi ngui ngor Festival Bơnga Đà Lạt tal X-2024 dưi lăng kah hăng sa amăng hơdôm anih pơdah adoh suang prong hloh mơ̆ng hlâo truh ră anai ƀơi Đà Lạt hăng đơ đam ngă anih adoh suang truh 2000 met karê. Anŏ lăp đing nao anih pơdah adoh suang lĕ hơmâo 5 pơnăng tivi prong Led, yap anŏ prong 1000 met.

Apui pơčrang dar prong hăng anŏ pơkĕ apui lơtrik pơčrang bơngač pơdah tơlơi adoh suang hiam tloh noh mơ̆n. Anih pơdah adoh suang prong hrup anih ngă phim, hơmâo lu mơta ia iom pơčrang hiam, ngă rup bơnga hmư̆ hing ƀơi Đà Lạt, bơnga Hồng, bơnga Mimoza, Cầm Tú Cầu, bơnga ang kơñĭ, amăng anun rup bơnga ang dưi pơdah thâo pran jua thâo gum pơgôp hăng hrưn đĭ mơ̆ng ană mơnuih ƀơi Đà Lạt. Mlam pơdah tơlơi adoh suang Festival Bơnga Đà Lạt tal X thun  2024 hăng anih pơdah adoh suang lu tal hăng anih pơčrang lu bơnah, pơjing anih nao ngui ĕp lăng ƀu đut tơhnal ôh bơwih brơi kơ hơdôm rơbâo čô tuai mut ĕp.