Tui anun, hơdôm bruă mă pioh hơdor glăi 50 thun blah dưi Buôn Ma Thuột hăng pơklaih rơngai tơring čar Dak Lak (10/3/1975-10/3/2025) hơmâo hơdôm boh tơhnal: Mông tŭi ñang, dưm guang bơnga ƀơi pơsat dor tơhan tơring čar hăng anih djă pioh gru grua yôm sang mơnă Buôn Ma Thuột; mông jơnum, pơtrui tơhan; jơnum boh thâo “50 thun blah dưi Buôn Ma Thuột-Rơnoh yôm hăng tơlơi pơhrăm yôm phăn”; pơdă prưng rup rap “Dak Lak-50 thun pơjing hăng pơđĭ kyar”; hơdôm bruă gru grua yôm phara pioh čơkă.

Khua Jơnum min mơnuih ƀôn sang tơring čar Dak Lak Phạm Ngọc Nghị lăi rơđah, hơdôm bruă mă pioh hơdor glăi 50 thun blah dưi Buôn Ma Thuột, pơklaih rơngai tơring čar Dak Lak (10/3/1975-10/3/2025) hăng Jơnum ngui kơphê Buôn Ma Thuột tal 9 thun 2025 lĕ bruă jao kơđi čar yôm phun amăng tơring čar pơ anăp anai.