Blan 7 thun 2020, Đang bơnga gŭ lŏn Rŏng lŏn tơnah Dak Nông (amăng rơ-ưng gŭ čư̆), dưi hơmâo anom bruă UNESCO pơsit jing Đang bơnga gŭ lŏn Rŏng lŏn tơnah. Tơdơi kơ 4 thun, Đang bơnga gŭ lŏn Dak Nông hơmâo čơkă dơ̆ng hră pơsit tal dua. Dưi pơ anăn “Plơi pla hơmâo er jua mơñi hiam”, Đang bơnga gŭ lŏn Rŏng lŏn tơnah UNESCO Dak Nông hơmâo pơsit boh yom, čih pơthâo pơčrâo brơi anih amăng hră lơkak rŏng lŏn tơnah, pơpŭ bơni rơnoh yom amăng rơ-ưng gŭ lŏn, gru grua hiam lŏn mơnai glai klô phara amăng kual Dap Kơdư.

Bruă arăng pơsit glăi tal dua tơlơi pơ anăn anai, kiăng pơpŭ hăng djă pioh, wai lăng anŏ hơnơ̆ng hnăi ƀu kơnong tơring čar Dak Nông đôč ôh, kiăng ngă kơjăp tui bruă wai pơgang lŏn mơnai glai klô hơđăp hiam klă, pơđĭ kyar hơđong kơjăp bơwih ƀong huă mơ̆ng hơdră pơgang pioh lŏn glai truh thun 2030 yua kơ Sang gum hơbit djop dêh čar pơsit. Amăng anun, pơtrut pơsur bruă pơgang pioh kông ngăn lŏn mơnai glai klô čư̆ čan, pơtrut tơlơi bơwih ƀong huă kơnang kơ bruă pơgang pioh lŏn glai hăng gru grua mơ̆ng đưm ƀơi kual lŏn anai.