VOV4.Jarai - Jơnum ngui bôh thâo čing hơgor tơring čar Dak Lak tal 3, thun 2024 pơ phun mơ̆ng lơ 31/8-1/9, djơ̆ tal pơdơi Lơphet Pơjing lŏn ia lơ 2/9. Mut hrŏm hrơi rơngai mơ̆ng lŏn ia, jơnum ngui jai jing dik dăk hloh hăng lu tơlơi atông čing hơgor hăng hơdôm phiăn ngă yang mơ̆ng djop djuai ania ƀiă Dap Kơdư.

VOV4.Jarai-Gông brô̆ mơng mnuih djuai ania K’ho hơmâo djop mơta hăng juăt mă bruă yua amăng hơdôm hrơi ngui ngor, ngă yang rơbang. Amăng hơdôm gông brô̆ mơng djuai ania K’ho ƀu kơƀah ôh ring čing năm boh, đing get ia, đing kram, hơgor…Hơdôm boh gông brô̆ anai dưi pĕ mut hrŏm hăng hơdôm tơlơi adôh ƀudah pĕ hajăn.

VOV4.Jarai - Nghệ nhân Mlop – Khua Anom mă bruă hrŏm gah đang hmua hăng rơngaih mơñam băn ao Glar, tơring glông Đak Đoa, tơring čar Gia Lai lĕ pô hor kơ bruă rơngai mơñam băn ao mơ̆ng muai. Hăng tơngan ƀat bruă, ñu rơngaih mơñam hmâo lu djuai băn ao, gơnam tam kah hăng: Băn, băn eng, ao rơkơi hăng bơnai, kơdung băk... hmâo bơnga hiam dưi hmâo lu mơnuih amăng tơring čar pô hăng tơring čar pơkon hor blơi yua. Hor, abih pran jua hăng băn ao mơñam, anun Nghệ nhân Mlop hmâo pơtô glăi bruă rơngaih mơñam kơ hơdôm rơtuh čô đah kơmơi djuai ania Bahnar.

VOV4.Jarai - Lơ 22/8, Ping gah tơring čar Lâm Đồng pơphun jơnum klah čun 10 thun ngă tui Tơlơi pơtrun pơsit 33 mơ̆ng Grŭp mă bruă Ping gah dêh čar kơ pơdŏng hăng pơđĭ kyar bôh thâo đưm, ană mơnuih Việt Nam djơ̆ tui tơlơi pơđĭ kyar kơjăp phik lŏn ia.

VOV4.Jarai - Amăng 2 hrơi (19-20/8), Jơnum min mơnuih ƀôn sang plơi prong Buôn Ma Thuột, tơring čar Dak Lak pơphun Jơnum ngui adôh suang mơnuih ƀôn sang tal 4, thun 2024, hăng anăn ñu Tơlơi adôh lŏn ia.

VOV4.Jarai-Amăng bơyan pơdơi prong, hrŏm hăng ngui ngor mơak pơdơi pơdă, ƀing čơđai muai, tơdăm ngek dra muai djop djuai ƀiă tơring čar Dak Lak, ngă hrŏm lu tơlơi ngui ngor, jơngum mơak kah hăng hrăm atông čing, suang gru grua đưm, mut hrŏm anih pơtô bruă pơčeh tơlơi ră ruai, tơlơi hơ̆k hơr boh pia, tơlơi pơhiăp ƀudah jơnum pơhrăm tơlơi thâo pơhiăp dêh čar tač rơngiao. Hơdôm bruă ngă găn rơgao anai djru kơ ƀing adơi đeh ană amôn čơđai sang hră hơmâo bơyan pơdơi pơdă ƀu rơngiă đôč soh sel, jing pơphun bruă mă, ngui ngor tŭ yua biă mă hlâo kơ mut thun hrăm phrâo či truh laih.

VOV4.Jarai-Hơdră adoh suang hrŏm anai anăn “Hơdip na nao hăng lŏn mơnai glai ia dêh čar” dưi pơphun kiăng pơ hơdor glăi bruă ngă hiam hơdor tơngia “Ƀong boh hơdor kơ pô pla, mơñum ia hơdor kơ pô klơi” “Bruă hơdor tơngia tla pran” mơ̆ng djuai ania Việt Nam ta.

VOV4.Jarai-Ăt kar kăi hăng djop djuai ania ƀơi kual Dap kơdư, čing hơgor, gông brô̆ mơng djuai ania Êđê juăt pơkra rai mơng djrao kram mơng glai rưng. Hăng er mơñi hăng atông phara, rĭm djuai gông brô̆ ăt pơdah jua mơñĭ phara mơn. Amăng anun hơmâo gông brô̆ lĕ sa amăng hơdôm gông yua đah rơkơi pơkra hăng pĕ kiăng pơdah pran jua amăng tơlơi hơdip mơda. Mơnuih rơgơi kơhnâo Y-Dŭ Êban (arăng juăt iâu lĕ Ama Đam), 57 thun, dŏ amăng ƀuôn Sut Mđưng, să Čư̆ Suê, tơring glông Mgar, tơring čar Dak Lak amra lăi pơthâo gông brô̆ mơng djuai ania Êđê.

VOV4.Jarai-Pơhiăp ƀơi Mông jơnum kơ gru grua hiam đơ đam dêh čar ta thun 2021, Khua git gai ping gah dêh čar ta rơgŏm ơi Nguyễn Phú Trọng lăi pơtong “Gru grua hiam dŏ lĕ djuai ania ăt dŏ”. Yua hơmâo tơlơi pơtă pơtăn anun, mơnuih ƀôn sang djop djuai ania amăng kual Dap Kơdư ăt hlăk gir run dŏ djă pioh tŏ tui pơlar lu hloh gru grua đưm, tơlơi phiăn juăt hiam klă mơ̆ng rim djuai ania, kiăng pơdah thâo rup rap anŏ hiam lu mơta ia iom amăng gru grua hiam djop djuai ania amăng kual Dap Kơdư.

VOV4.Jarai-Amăng tal nao čuă jơmư dêh čar India gưl kơnuk kơna, tlam lơ 1/8, Khua dêh čar ơi Phạm Minh Chính đĭ pơhiăp ƀơi anăp Khul khua mua đing nao hơdôm tơlơi ƀơi rŏng lŏn tơnah mơ̆ng dêh čar India.