Tui hăng nai prin tha, NSND Phạm Anh Phương, Khua Khul adôh suang Việt Nam, Khua Grŭp Črâo ba, Rơwang hrơi tơjuh suang Việt Nam thun 2024 hmâo tơlơi gum hrŏm mơ̆ng 8 grŭp adôh suang hăng rơbêh kơ 100 čô mơnuih thâo adôh suang. Anai lĕ tơlơi suang rim thun prong hloh ƀơi Việt Nam hmâo rơwang đơ đam dêh čar, hmâo tơhnal lŏn ia hăng jar kơmar.

Tơdơi kơ ngă lơphet pok phun Rơwang hrơi tơjuh Suang Việt Nam thun 2024 mơtăm, amăng anih anom sang rông đưm Kon Klor, sa bôh sang rông đưm mơ̆ng djuai ania ƀơi Dap Kơdư, khua pơ ala hăng mơnuih ƀôn sang hor kơ tơlơi adôh suang lăng blung a bruă pơdah tơlơi suang rơnuk anai SeSan. Hluai tui tơlơi suang, ƀing thâo adôh suang pơpŭ gru hiam kơtang, dô̆ hơnŏng hloh mơ̆ng bôh thâo đưm Dap Kơdư; hrŏm hăng anun mông djă jă rơđah hloh tơlơi pơhrua nao rai bôh thâo đưm ăt kah hăng pơkĕ hrŏm mơnuih mơnam mơ̆ng djop djuai ania ƀơi anai tui glông ia krông Sê San./.