Pơphun pơdă prưng pơƀuh glăi Gong hla kơ Hà Nội
Thứ năm, 15:04, 10/10/2024
VOV/Siu Đoan Pơblang
VOV/Siu Đoan Pơblang
VOV4.Jarai - Tlam lơ 9/10, ƀơi Hà Nội, hră pơhing Nhân dân pơphun mông pơdă prưng pơƀuh glăi gong hla kơ Hà Nội hăng lăi pơthâo črăn tơlơi pơhing yôm phăn mơng tal hơdor glăi 70 thun hrơi pơklaih rơngai plơi prong jưh jom (10/10).
Hluai tui mông pơdah glăi, ƀing tuai čuă ngui dưi mut hrŏm ling tơhan anăp nao Hà Nội lơm yua boh thâo pơƀuh glăi rup rap sô hơđăp. Anŏ pơƀuh glăi anai amra pơdah 10 tơlơi kơđŏm glăi yôm amăng rơnuk blah wang hăng pơklaih rơngai Hà Nội blan 10/1954.
Ăt ƀơi anai, hơdôm gru grua hing ang, anih čuă ngui hmư̆ hing ƀơi plơi prong jưh jom anun lĕ: Hồ Gươm, Văn Miếu, sang phơ̆t Một Cột, Gong hla kơ Hà Nội, tơdrông Long Biên, Sang adôh suang prong, 5 bah amăng Hà Nội hơmâo pơdah glăi rơđah rơđông, anai lĕ rup rap pơdah lu 3 bơnah. Anai lĕ tơlơi kơđŏm glăi yôm phăn pioh hơdor glăi 70 thun hrơi pơklaih rơngai plơi prong jưh jom, anai lĕ črăn pơhing phun amăng Hră pơhing Nhân dân rĭm hrơi hăng anăn Gong hla kơ Hà Nội.
Viết bình luận