Anai lĕ mông pơbưp yôm phăn dong amăng hơdôm bruă pơbưp giang mah gah Ling tơhan wai pơgang guai Việt Nam-Lao yua Ding jum ling tơhan dêh čar ta hăng ling tơhan dêh čar Lao gum hrŏm pơphun. Mông pơlăi nao rai bruă kơđi čar hăng ling tơhan hlăk ai dua boh dêh čar lĕ tơlơi kơđŏm glăi mơng mông pơbưp giang mah ling tơhan wai pơgang guai Việt Nam-Lao tal 2.

Mông pơbưp hơmâo pơphun tui hơdră jơnum bơkơtuai, ngui adôh suang dong. Jơlan hơdră hơmâo lu tơlơi adôh suang pơpŭ Ping gah Cộng sản Việt Nam hăng Ping gah mơnuih ƀôn sang ngă hơkrŭ Lao, pơpŭ pran gum pơgôp, pơlir hơbit Việt Nam-Lao hơmâo pơgôp kơtưn thâo hluh kơplah wah ling tơhan hlăk ai dua boh dêh čar, pơdah tơlơi rô nao rai giang mah dua Ping gah, ling tơhan hăng mơnuih ƀôn sang Việt Nam-Lao.