Hăng akŏ boh pia “Găn rơgao tơlơi thâo thăi gru grua hiam-hyu ĕp lăng lŏn glai”, tơlơi jơnum ngui tal anai hơmâo lu bruă mă mơak. Biă mă ñu ngui ngor rŭi hyu, rơbat pơtrui ƀơi jơlan plơi prong hăng 1000 čô mơnuih kơhnăk adoh suang plơi pla, čơđai sang hră; pơplông atông čing suang arap akŏ ñu “Jua čing tơ-ua hyu bă hră lŏn glai” hơmâo rơbêh 600 čô mơnuih kơhnăk ngă hrŏm.

Ƀrô tal anai, ăt pơphun lu bruă mă, pôr pơthâo, bưp nao rai bruă tuai hyu ngui, ba tuai hyu ngui lăng sit nik, pơthâo jơlan ba tuai hyu ngui amăng tơring čar; pơplông hơtŭk riă tơnă hơbai pŭ asơi  añăm kơ tuai hăng akŏ ñu “ Anŏ hiam jơman hloh mơ̆ng ia čroh hnoh čư̆ siăng”; pôr pơthâo hră pơkă hơnơ̆ng man pơdong anih čơkă tuai hyu ngui lŏn mơnai glai klô rơ-ơ̆ hiam Măng Đen truh thun 2045; pơtong glăi boh tơhnal ngă hrŏm bruă tuai hyu ngui hăng 3 boh tơring čar gah dơnung dêh čar Lao, hơmâo: Attapư, Sêkông hăng Salavan.