Mông ngă Lơphet pok phun amra pơphun ƀơi lan sang rông plơi Ia Gri, să Čư̆ Đang Ya, tơring glông Čư̆ Pah, tơring čar Gia Lai. Tơlơi kiăng lăi mơ̆ng tơlơi jơnum anai lĕ jơlan hơdră adôh suang hrŏm hăng atông čing hơgor Dap Kơdư hăng tơlơi gum hrŏm mơ̆ng giăm truh 400 čô mơnuih thâo pơdah tơlơi đưm hăng čơđai sang hră, kiăng pơpŭ bơni anô̆ hiam bơnga ang hrŏm hăng bôh thâo čing hơgor phara mơ̆ng Dap Kơdư.

Hrŏm hăng anun, jơlan hơdră dô̆ pơkĕ hrŏm pơdah adôh suang kơplah wah er adôh đưm hăng ră anai. Amăng hơdôm hrơi jơnum ngui, lu bruă mă dik dak amra pơphun kah hăng pri pơplông đuăi marathon, pơdah băn ao đưm, tlaih kinh khí cầu, pơdah glăi anih anom ngă yang huă asơi hle, pơdă prưng hơdôm mơta gơnam tăm hăng lăi pơthâo gơnam phara mơ̆ng djuai ania Jarai, Bahnar ƀơi anai./.