Pơphun mơ̆ng ră anai truh abih lơ 10/11 ƀơi sang djă pioh gơnam gru đưm Dak Lak. Tal pơdă rup lăi pơthâo anai hơmâo 200 mơta hră pơar rup, gơnam gru grua mơ̆ng 87 čô pô ñu, ruah mă mơ̆ng hơdôm rơbâo pok rup ƀing čơphil rup rơgơi hăng ƀu rơgơi mơ-it nao amăng dêh čar ta. Rup anai pơƀuh brơi gru grua hiam phara, ba gru mơ̆ng 54 djuai ania Việt Nam, dơ̆ng mơ̆ng tơlơi phiăn juăt, tơlơi ngă yang rơbang hăng tơlơi đăo, tơlơi dŏ dong ƀong huă rim hrơi truh pơ bruă pơjing rai eng ao hăng tơlơi jơnum ngă yang pơtum plơi pla tui gru đưm.

Mơ̆ng anun, kiăng pơđĭ tui tơlơi hơdip mơda gru grua hiam kiăng djă pioh hăng pơlar tui rơnoh yom, anŏ tŭ mă tơlơi mơak bơngăt, ai hơtai mơnuih ƀôn sang, amăng anun lăp đing nao djop djuai ania ƀiă, aset hloh. Laih dơ̆ng pơdah rai bruă ngă kiăng pơhrua nao, akŏ pơdong rup rap hiam klă, ba gru hlâo, anŏ yom phara mơ̆ng 54 djuai ania Việt Nam kiăng lăi pơthâo, pơlar tui amăng mông jơnum plơi, ngă yang mơak, djop mông jơnum prong, bruă mă bưp nao rai pơdah tơlơi adoh suang amăng dêh čar hăng pơ dêh čar tač rơngiao.