Jơlan hơdră adoh suang anai pơdah amăng mlam lơ 14/5, ƀơi sang adoh suang prong Hà Nội, kiăng hơdor tơngia laih anun pơdah rai tơlơi khăp ƀu-eng mơ̆ng mơnuih ƀôn sang pioh kơ Khua mir sir Hồ Chí Minh- sa čô khua rơgơi kơhnâo, mơnuih khin hơtai pơklaih rơngai djuai ania, mơnuih gru grua hiam hmư̆ hing ƀơi lŏn tơnah. Kơnang kơ črăn hơdră adoh suang hiam mơak, jơlan hơdră anai lăi pơtong boh yom phun mơ̆ng gru grua đưm dêh čar, anŏ yom mơ̆ng tơlơi pơmin hăng kông ngăn yom đut tơhnal mơ̆ Khua mir sir Hồ Chí Minh pioh glăi kơ bruă hơkrŭ Việt Nam laih anun kơ hơdră pơđĭ kyar mơ̆ng djuai ania.

Jơlan hơdră adoh suang anai pơpha jing klâo črăn, mơ̆ng hơdră pơhrôp glăi sa čô čơđai anăn Nguyễn Sinh Cung Wa Hô dŏ muai hur har hrưn đĭ; hơdôm yak rơbat đuăi nao mơ̆ng Ñu, hơduah ĕp jơlan hơkrŭ kơ lŏn ia ta tơl đuăi hyu djop djang anih amăng lŏn tơnah, rơma boh kual, pă blah ia rơsĭ; rup rap Wa Hô mơnuih kơnuih hiam, muih thâo luă gŭ pô amăng tơlơi hơdip mơda tơđar hrơi, mơta ñu lăng hăng tơlơi khăp jĕ giăm, pĕ tlao thâo ngă mơak hăng ană plơi pla, ling tơhan, abih bang tơlơi anun pơƀuh glăi kah hăng sit nik ƀơi anăp mơta dŏ hrŏm hăng ñu, yua mơ̆ng ƀing kơhnâo tơlơi adoh suang pơhrôp glăi wơ̆t hăng rup pơdah glăi wa Hô biă mă, ngă kơ ƀing nao ĕp dlưh pran jua, ol kơdol biă mă hning tui wa.