Anom bruă pôr pơhing amra pơphun, git gai hăng črâo ba hơdôm bruă pôr pơhing, djru brơi giăm 1.550 čô mơnuih čih tơlơi pơhing amăng rơbêh 200 anom bruă pôr pơhing đơ đam dêh čar hăng jar kmar. Anai ăt lĕ anih lăi pơthâo tơlơi pơhing, djru brơi, pơgôp yôm amăng bruă ngă truh kih djop bruă pioh hơdor.

Hrŏm hăng anun, Ding jum boh thâo ia rơgơi gum hrŏm hăng anom pơtô bruă Ping gah, anom bruă pơtô ba mơnuih ƀôn sang gơnong glông hăng Ding jum gru grua, bơrơguăt drơi jăn hăng tuai čuă ngui pơkra tem pioh “Hơdor glăi 80 thun akŏ pơjing kơnuk kơna Cộng hòa xã hội chủ nghĩa Việt Nam (1945-2025). Tem anai hơmâo pơkra hơmâo rup Khua mir sir Hồ Chí Minh arăng pơkra tui tơlơi pơplih phrâo hiam hloh, pơdah tơlơi yôm mơng gru grua amăng hơdôm hrơi jơnum ngui pơprong.