Anai lĕ rơdêh đuăi rôk jơlan đơ đam dêh čar yua Khul hlăk ai gơnong glông pơphun, đuăi rôk tui jơlan Trường Sơn hing ang, čơkă 80 thun tal ngă hơkrŭ blan 8 hăng akŏ pơjing Kơnuk kơna lơ 2/9. Jơlan hơdră ba glăi lu tơlơi amăng pran jua mơnuih ƀôn sang hăng hơmâo tơlơi pơgôp mơng mơnuih rơgơi kơhnâo Nguyễn Thị Thanh Thúy, ƀing adôh Võ Hạ Trâm, Phương Thanh, Suboi, Hồ Lê Ngân Hà hrŏm hăng ƀing adôh hlăk ai pơkŏn. Hơdôm tơlơi adôh phrâo anun lĕ “Hò Vươn Mình”, “Made in Vietnam”, “Nhà tôi có treo một lá cờ” pơlir hăng hơdôm mông pĕ gông brô̆ tŏ tui thun blan hing ang hơmâo “Nối vòng tay lớn”, “Cô gái mở đường”, “Biết ơn chị Võ Thị Sáu” ba glăi mông hmư̆ tơlơi adôh suang hing ang mơ-ak hloh.

Dak Lak lĕ anih dŏ glăi tal dua mơng rơdêh anai tơdơi kơ ƀôn prong Hồ Chí Minh. Rơdêh amra đuăi nao pơ Đà Nẵng, Huế, Quảng Trị, Nghệ An, Phú Thọ hăng Hà Nội.