VOV4.Jarai – Mơmot lơ 29/9, ƀơi jơlan rơbat tơkai dơnao Hoàn Kiếm, hmâo pok phun Festival Bơyan Puih Hà Nội thun 2023, hăng anăn ñu “Bơyan Puih Hà Nội – Truh pioh kiăng khăp”.

VOV4.Jarai-Phrâo anai, ƀơi plơi prong Buôn Ma Thuột, anom bruă Gong phun jua pơhiăp dêh čar Việt nam ƀơi kual Dap kơdư pơphun jơnum bơkơtuai kơ hơdră djă pioh gru grua khan hri Êđê, Jarai amăng jơlan hơdră pôr pơhing tơlơi djuai ania ƀiă. Nao jơnum hrŏm, hơmâo ƀing khua mua, ƀing rơgơi kơhnâo djuai ania ƀiă ƀơi kual Dap kơdư. Amăng anun hơmâo ơi Rmah Ban, lĕ mơnuih rơgơi kơhnâo djuai ania Jarai, ñu rai mơng tơring kual Nhơn Hòa, tơring glông Chư Pưh, tơring čar Gia Lai. Ñu lĕ mơnuih djuai ania Jarai thâo rơđah gru grua djuai ania pô, yua anun ñu ăt bơngŏt tơlơi khan hri djuai ania Jarai amra rơngiă tui ƀơƀrư̆. Pô mă tơlơi pơhing Siu H’Mai hơmâo mông bơră ruai tom ơi Rmah Ban kơ tơlơi anai.

VOV4.Jarai-Mơnuih kơhnâo kơhnăk ơi Rčom Nha (djuai ania Jarai) dŏ ƀơi plơi Mrông Yô̆, să Ia Ka, tơring glông Čư̆ Pah, Gia Lai. Ñu hơmâo ană plơi iâu lĕ mơnuih kơhnăk rơgơi, yua dah ƀu kơnong thâo adoh tơlơi adoh đưm, atông čing, pơkra goong brô̆ đôč ôh mơ̆, ñu thâo akhan hri dong. Khă hnun, ƀơi anăp bruă akhan hri jai hrơi rơngiă tui, ơi Rčom Nha hơmâo lu tơlơi bơngơ̆t kơ gru grua anai.

VOV4.Jarai-Lơ 18/9, ƀơi tơring kual Đăk Tô, tơring glông Đăk Tô, Hlăk ai tơring čar Kon Tum pơphun Hrơi hlăk ai hăng gru hiam nao rai ƀơi jơlan glông čơkă Blan rơnuk rơnua nao rai ƀơi jơlan glông thun 2023.

VOV4.Jarai – Ƀơi plơi prong Buôn Ma Thuột, tơring čar Dak Lak, Sang in tơglit hơdrôm hră Kim Đồng gum hrŏm hăng Khul thâo čih bôh pia, adôh suang tơring čar Dak Lak pơphun pơbưp ƀing čih hră kơ čơđai muai, pơphun sa pri bơni prong pioh kơ hơdôm tơlơi čih lăi nao čơđai thun 2023.

VOV4.Hăng mơnuih ƀôn sang djop djuai ƀiă kual Dap Kơdư, rơman kah hăng sa čô ding kơna amăng sang anŏ hăng mơnuih amăng plơi pla yơh. Djuai ania ƀiă kual Dap Kơdư lăi lĕ, rơman jing mơnuih hơmâo pran kơtang pơdah rai tơlơi pơdrong sah hing ang.

VOV4.Jarai-Mơguah lơ 14/9, Khul giang mah Việt Nam- Japan tơring čar Dak Lak pơphun jơlan hơdră pơbưp pơlăi nao rai gru grua Việt Nam-Japan tơring čar Dak Lak thun 2023.

VOV4.Jarai – Hmư̆ tui tơlơi jak iâo mơ̆ng Sang hră Đại học Jeonju Kijeon – Hàn Quốc, hrơi anai (13/9), Gơnong bruă bôh thâo bơkơjăp drơi jăn hăng tuai čuă ngui tơring čar Gia Lai pơphun brơi grŭp 14 čô thâo atông čing hơgor mơ̆ng plơi prong Plei Ku hăng tơring glông Ia Grai, nao pơ̆ Hàn Quốc pơdah atông čing hơgor amăng mông Jơnum ngui Sori jar kơmar Jeonju thun 2023.

VOV4.Jarai-Mơmŏt lơ 10/9, Ding jum Gru grua pơrơguăt drơi jăn hăng Tuai čuă ngui ngă hrŏm tơring čar Bình Định pơphun jơnum prong hrơi mơak gru grua hiam djop djuai ania ƀiă kual Tong krah.

VOV4.Jarai-Ơi Y Djuan Mjâo (arăng juăt iâu lĕ Ơi Lot) 65 thun, dŏ amăng plơi M’Ngoan, să Ea Hồ, tơring glông Krông Năng, tơring čar Dak Lak lĕ mơnuih rơgơi kơhnâo. Ƀu djơ̆ kơnong thâo atông lu tơlơi adôh suang, thâo pơkra pơjing hăng ayŭp đing tarta, đing năm, đing buôt …đôč ôh ñu ăt thâo adôh kưt, eirei, thâo tơlơi phiăn hăng gir run pơtô brơi ană tơčô amăng plơi pla hrăm tui dong.