VOV4.Jarai-Mơmŏt lơ 24/12, ƀơi plơi prong Đà Lạt (Lâm Đồng), Kông ti jơlan rơdêh treng Việt Nam sit nik mă yua jơlan rơdêh treng đuăi hiam hruaih La Reine (Hoàng Hậu) brơi kơ tuai čuă ngui găn nao rai mơng Đà Lạt-Trại Mát.

VOV4.Jarai - Čơtlăm lơ 23/12 ƀơi plơi prong Buôn Ma Thuột, Anom wai lăng gru grua bôh thâo đưm (Ding jum bôh thâo, bơkơjăp drơi jăn hăng tuai čuă ngui) pơphun Jơnum klah čun, pơdă prưng, pơdah hơdră tô nao rai gru grua “Bôh thâo čing hơgor Dap Kơdư amăng bruă tuai čuă lăng gru grua đưm Buôn Ma Thuột – Dak Lak”.

 VOV4.Jarai-80 thun hlâo adih, hơmâo tơlơi djru ba, pơgang brơi mơ̆ng mơnuih ƀôn sang djuai ania Yao, Tày, Nùng....Grup Việt Nam hyu pơtô kơ bruă pơklaih rơngai djuai ania anun lĕ khul ling tơhan blung a dưi akŏ pơjing ƀơi glai Kmrong Trần Hưng Đạo, ră anai gah să Tam Kim, tơring glông Nguyên Bình, tơring čar Cao Bằng. Thun blan laih rơgao, lŏn mơnai glai klô anih anom hơkrŭ đưm adih pơblih lu biă mă ră anai; Mơnuih ƀôn sang djop djuai ania hlăk anun sa pran jua tong ten kiăo tui ping gah, ngă hơkrŭ ră anai ăt dŏ djă pioh kơjăp tong ten amăng pran jua, djă pioh gru grua mơ̆ng anong wa ơi yă nao hlâo thâo gum pơgôp akŏ pơdong plơi pla pơblih phrâo, pơđĭ kyar.

VOV4.Jarai-Kơ-iăng Khua dêh čar ơi Lê Thành Long phrâo git gai jơnum Khul khua mua mơ̆ng gơnong dlông kơ Bruă abih bang mơnuih ƀôn sang gum pơgôp akŏ pơdong tơlơi hơdip mơda rơguăt thun 2024 hăng pok pơhai bruă mă thun 2025.

VOV4.Jarai-Hăng mơnuih djuai ania ƀiă ƀơi dêh čar Việt Nam, apur amăng rĭm boh sang anŏ yôm phăn biă mă. Apur ƀu djơ̆ kơnong yua tơnă hơbai đôč ôh mơ̆ jum dar apur ăt dŏ lu tơlơi hiam tui gru grua, hơdôm phiăn juăt, tơlơi ngă yang rơbang yôm phara, pơdah pran jua pơpŭ mơng mơnuih djuai ania ƀiă. Lơm hơmâo tuai rai ngui pơ sang, pô sang amra tŏ apui kiăng pơdah pran hok mơ-ak čơkă tuai.

VOV4.Jarai-Tlam mơmŏt lơ 5/12, ƀơi tơdron lăk Lâm Viên, plơi prong Đà Lạt, Lâm Đồng amra pơphun jơnum hlâo Festival bơnga Đà Lạt tal X-thun 2024, hăng anih pơdah gru hiam djop ia iom, brơi mơnuih ƀôn sang mut ĕp tơlơi hiam anŏ klă mơ̆ng ia rơgơi phrâo.

VOV4.Jarai-Tơring čar Dak Lak glăk pơtrut tañ bruă prap lui hơdôm bruă mă pioh hơdor glăi 50 thun blah dưi Buôn Ma Thuột, pơklaih rơngai tơring čar Dak Lak hăng jơnum ngui kơphê Buôn Ma Thuột amra pơphun amăng akŏ blan 3 thun 2025.

VOV4.Jarai-Mơguah lơ 27/11, jing lơ 27/10 blan ta, Gơnong bruă Gru grua, Pơrơguăt drơi jăn hăng Tuai čuă ngui tơring čar Dak Lak jơnum h’ŭ glăi ƀing tơhan kơsung nao pơ Dơnung pơsăn drơi jăn hăng mơnuih ƀôn sang plơi Lạc Giao djai lơ̆m kơsung blah ayăt Prang sua glăi Dak Lak thun 1945.

VOV4.Jarai-Hơdôm thun laih rơgao, lu tơring glông, plơi pla amăng tơring čar Gia Lai hơmâo pok pơhai tŭ yua bruă djă pioh hăng pơlar tui gru grua hiam djuai ƀiă pioh čơkă tuai hyu ngui ĕp lăng. Mơ̆ng anun, djru kơ gơñu djă pioh rơnoh yom gru ama grua amĭ, laih anun pơđĭ tui tơlơi hơdip mơda mơnuih ƀôn sang plơi pla.

VOV4.Jarai-Mơguah lơ 22/11, ƀơi sang djă pioh gơnam yôm sô hơđăp tơring čar Dak Lak hơmâo pơdă prưng tơlơi dưi bơwih ƀong huă-mơnuih mơnam pioh hơdor glăi 120 thun akŏ pơjing tơring čar hăng 80 thun akŏ pơjing ling tơhan Việt Nam.