Jơlan hơdră anai pơƀut pôr pơthâo kơ tơlơi khăp ƀu-eng hăng pran đăo kơnang mơ̆ng mơnuih ƀôn sang hăng Ping gah amăng hrơi mông git gai lŏn ia găn rơgao tơnap tap, lông lăng; kiăng hơmâo pran jua mơ-ak mơ-ai, abih bang tŭ ư, râu mơdưh tơlơi gum pơgôp abih bang, tơlơi gơgrong bruă hăng kơtưn gum pơgôp.

Hăng 3 črăn, hrơi adoh suang anai pioh glăi lu tơlơi lăp hơdor, ngă pơhưč pran jua biă mă. Črăn 1 - “Tơlơi lŏn ia” ba ƀing ta pơwơ̆t glăi rơnuk đưm hăng tơlơi adoh pơngui, er yŭ adoh đưm, anih anom đưm, bă kơ tơlơi khăp đah mơ̆ng ƀuh rơđah bơngăt gru grua Việt Nam ta. Črăn 2 - “Jua rơnuk phrâo” pok rai anih pơplih phrâo, tơlơi adoh yŭ phrâo, samơ̆ ăt pơƀuh pran jua Việt mơn, pơƀuh tơlơi hơyak đĭ mơ̆ng lŏn ia ta amăng mông mut hrŏm jar kmar. Črăn 3 - “Ia mriah yom pơphăn” ngă glưh pran jua, pơpŭ kơ ia iŏm mriah - pơ ala gru Ping gah hăng Lŏn ia. Hơdôm tơlơi adoh suang anai mut hrŏm gru đưm hăng rơnuk phrâo, pơƀuh pran jua đăo kơnang, kơtưn gum pơgôp, anăp nao akŏ pơdong lŏn ia pơdrong sah, rơgơi, kjăp kơtang.