Tui hăng hră kĭ pơkôl, hơdôm anom bruă čih tơlơi pơhing pơƀut pôr pơthâo bruă đĭ kyar bơwih ƀong huă - mơnuih mơnam, pơgang lŏn ia - rơnuk rơnua; hơdôm tơlơi pơtrun prong mơ̆ng Ping gah, Kơnuk kơna hăng mơ̆ng tơring čar; Tơlơi pơtrun Jơnum ruah khua ping gah tơring čar Lâm Đồng tal 1, rơwang thun 2025-2030; Tơlơi pơtrun Jơnum ruah khua ping gah dêh čar tal 14; bruă ruah khua pơ ala mơnuih ƀôn sang dêh čar tal 16 hăng khua mua pơ ala mơnuih ƀôn sang djŏp gưl thun 2026-2031; hrŏm hăng hơdôm tơlơi pơtrun yom mơ̆ng Gơnong dlông kơ boh thâo ia rơgơi, boh thâo mrô hăng mut hrŏm jar kmar.

Pơhiăp ƀơi mông jơnum, ơi Nguyễn Văn Lộc, Khua Gơnong bruă Gru grua, Bơrơguăt drơi jăn hăng Tuai čuă ngui tơring čar Lâm Đồng brơi thâo, tơring čar amra ngă găl, ngă amuñ kiăng djŏp anom bruă čih tơlơi pơhing dưi mă tơlơi pơhing; laih dong gơnong bruă amra pơtô brơi, pơtrut hơdôm gơnong bruă, Jơnum min mơnuih ƀôn sang hơdôm boh să, phường, kual wai lăng hơjăn ngă bruă tui hăng tơlơi pơkă hiăp hơbit hăng lăi pơthâo tơlơi pơhing phrâo kơ anom bruă čih tơlơi pơhing./.