Jơlan hơdră hơmâo pơphun či pôr pơthâo dlăm, hok mơak amăng abih bang Ping gah, mơnuih ƀôn sang hăng ling tơhan kơ anŏ yom, anŏ kơdrưh hăng hơdôm jơlan hơdră ngă bruă prong mơ̆ng mông Jơnum ruah khua ping gah dêh čar tal 14 - jing bruă kơđi čar yom biă mă mơ̆ng lŏn ia ta, pok rai rơnuk đĭ kyar phrâo.

Mơ̆ng jơlan hơdră anai, ăt pơsit brơi hơdôm bruă hơmâo ngă mơ̆ng lŏn ia ta mơ̆ng 40 thun pơplih phrâo (1986-2026), bang hyu tơlơi kơtưn, čang rơmang đĭ kyar lŏn ia Việt Nam pơdrong sah, kơtang; kiăng hơmâo abih bang mơnuih tŭ ư, pran jua mut hrŏm, pơđĭ tui tơlơi pơ-ư ang djuai ania hăng đăo kơnang kơ jơlan ngă bruă mơ̆ng Ping gah.