Pơ ala kơ bruă anun, pơphun lu jơlan hơdră adoh suang mơak pok pơhai mơ̆ng plơi pla truh pơ tơring čar, kiăng ngă mơak brơi mơnuih ƀôn sang čơkă têt thun phrâo.

Jơlan hơdră ƀu pơnah mlăi ôh, yua kiăng đing nao djru ba mơnuih ƀôn sang bơbeč djơ̆ tơlơi truh lŏn adai ngă, đing nao bruă rŭ glăi anŏ răm ƀăm hăng pơsir tơlơi hơdip mơnuih ƀôn sang tañ hơđong tơdơi kơ tal ia ling dăo ngă răm ƀăm kơtang. Mơak čơkă thun phrâo Bính Ngọ 2026, tơring čar Dak Lak amra pơdah jơlan hơdră tơlơi adoh suang mơak Ping gah, mơak bơyan phang thun phrâo akŏ ñu “Dak Lak-Glai klô hăng Ia rơsĭ prong, kiăng tơpưn nao pơ ataih”. Jơlan hơdră anai pơphun amăng mlam lơ 16/2 jing hrơi 29 têt, ƀơi phường Ƀuôn Ma Thuôt hăng phường Tuy Hòa.