Tui hăng Gơnong bruă Gru grua, Pơrơguăt drơi jăn hăng Tuai čuă ngui tơring čar Gia Lai, khul rup aseh man pơdong mơak thun phrâo Bính Ngọ 2026 hơmâo pơčeh phrâo man pơdong đĭ tui tơlơi pơmin hăng anăn tơlơi akhan đưm “Thánh Gióng-Plơi pla thâo bơtaih-Lŏn glai hing ang”, Ring bruă anai, kiăng pơdong đĭ pơpŭ yom rơnoh gru grua mơ̆ng đưm, gru grua hiam phara hăng tơlơi čang rơmang pơđĭ kyar mơ̆ng tơring čar Gia Lai amăng rơnuk phrâo.

Anŏ phrâo kiăng lăi nao, djop mơta rup trah man pơdong đĭ anun lêng kơ rup aseh tơhan soh, rup ngă gru phun kơ thun Bính Ngọ 2026, mă tơlơi pơmin mơ̆ng tơlơi akhan đưm aseh pơsơi tơdăm khin hơtai, hơmâo pran kơtang Thánh Gióng, gru tơlơi pơhmu kơ pran jua khin hơtai, tơlơi pơmin kơtang hăng anŏ kiăng kơjăp hrưn đĭ nao pơ anăp adih, mut phung mơ̆ng Gia Lai amăng rơnuk phrâo ră anai.