VOV4.Jarai-Ƀơi tơring glông giăm guai Tuy Đức, tơring čar Dak Nông, ră anai hơmâo rơbêh 200 boh sang anŏ hăng giăm 1.200 čô mơnuih mơng tơring čar Phú Thọ rai hơdip ƀơi anai. Kiăng djă pioh tơlơi ngă yang hăng tŏ tui gru grua “mơñum ia hơdor kơ pô klơi”, neh met wa pơčruih prăk kak, hrơi mă bruă kiăng man pơdong pra yang ơi pơtao Hùng. Anai ƀu djơ̆ kơnong tơlơi gir run djă pioh gru grua đôč ôh mơ̆ ăt lĕ kiăng tŏ tui hăng djă pioh gru grua wai pơgang lŏn ia, pơgôp hơkrŭ pran gum pơgôp djop djuai ania ƀơi kual giăm guai Dap kơdư.

VOV4.Jarai - Hrơi huă pơsat Pơtao Hùng, neh wa djop djuai ania Dap Kơdư glăi gum hrŏm anăp nao phun akha djuai ania, pơdah pran jua hơdor tơngia hăng hơdôm rơnuk nao hlâo. Khă dô̆ pơ̆ hơpă, neh wa Dap Kơdư ăt djă pioh mơn tơlơi Wa Hồ pơtô: “Hơdôm rơnuk Pơtao Hùng hmâo pran pơdŏng lŏn ia, Ƀing ta khom gum hrŏm wai lăng pơgang”, pơplih tơlơi ư-ang djuai ania jing bruă pơdŏng plơi pla jai hrơi jai pơdrŏng asah klă hiam.

VOV4.Jarai-Amăng gru grua mơng djop djuai ania ƀơi kual Dap kơdư, rup trah pơdong ƀơi pơsat arăng lăng jing gru grua yôm phara. Hơdôm boh rup trah ƀơi pơsat mơng djuai ania Bahnar ƀơi kual Dap kơdư ƀu djơ̆ kơnong lĕ gơnam trah ƀoh pioh glăi mơng đưm hlâo đôč ôh mơ̆ ăt pơdah tơlơi tơlơi pơmĭn bơdjơ̆ nao tơlơi hơdip mơda.

VOV4.Jarai - Mơnuih djuai ania Êđê hơdip hrŏm hăng glai rưng, gơñu lăng čư̆ lăng glai jing sang mơn, jing tơlơi hơdip gơñu mơn. Gơñu thâo mă yua gơnam hơmâo mơ̆ng glai či ngă añăm ƀong jơman, tui gru djuai ania. Hla tơnung, sa djuai phun čă giăm čroh ia, pơ hmua, ñu ƀăl ƀơƀiă, jing sa amăng hơdôm mơta djuai añăm ƀong jơman hơmâo djuai ania Êđê tul hrŏm hăng akan hơtuk.

VOV4.Jarai-Mah kual lŏn mơnai ia krông Cửu Long hơmâo lu hnoh ia krông, ia ania anet prong rô nao pơ djop anih, hơmâo lu bul plao mơnai ia krông, hơmâo tơlơi đing nao djơ̆ hơnơ̆ng mơ̆ng Ping gah, kơnuk mơna tuh pơ alin čuk pơkra jơlan glông nao rai hiam klă anun yơh lăng kơ kual lŏn anai pơblih pơđĭ tui rơđah biă mă. Tơdrông tua, jơlan glông kơjăp hăng hiam klă, rô nao rai dơnar, gêh găl, amuñ amĕ hăng  ƀiă mông hloh pơkă hăng hlâo, anun bruă  pơdŭ pơgiăng gơnam tam ƀơi kual lŏn mơnai ia krông 9 hnoh anai dưi pơđĭ kyar, hrưn đĭ pô yak nao amăng rơnuk phrâo rơbâo thun.

VOV4.Jarai - Rơgom ơi Khamtay Siphandone, Khua git gai Grŭp mă bruă Ping gah mơnuih ƀôn sang Hơkrŭ dêh čar Lao, Khua mir sir hơđăp dêh čar, Khua dêh čar hơđăp dêh čar Lao rơngiă laih amăng lơ 2/4. Kiăng pơdah pran jua hning rơngôt kơ ơi Khamtay Siphandone hăng pơphun mơ̆ng tơlơi rô nao rai phara ha jăn Việt Nam - Lao, Ping gah, Kơnuk kơna Việt Nam hmâo pơsit pioh kơ atâo rơgom ơi Khamtay Siphandone tui phiăn juăt Pioh atâo gah dêh čar amăng 2 hrơi, lơ 4 hăng lơ 5/4/2025.

VOV4.Jarai-Mơguah lơ 2/4, ƀơi Hà Nội, Sang hră hrăm bruă kơđi čar djă anăn Hồ Chí Minh jơnum pơphun jak iâu bruă mă lăi pơthâo atur “Pơhrăm glăi boh thâo ia rơgơi mrô” laih anun jơnum pơblih yua mrô.

VOV4.Jarai-Mơguah lơ 2/4, Khua git gai ping gah ơi Tô Lâm, ngă rah Khua git gai ping gah ling tơhan dêh čar nao jơnum hăng git gai mông jơnum khua mua ping gah dêh čar lok 13 kiăng sem glăi, pơgôp hiăp amăng Kơčăo bruă pơphun bruă mă ling tơhan tơring čar kiăng hơbôt, kơtang, beč bal dưi ngă djơ̆ bruă mă amăng rơnuk phrâo.

VOV4. Jarai-Hơdôm boh yom phun pôr pơthâo, pơtruh nao rai bruă tuai čuă ngui plah wah Dak Lak hăng Phú Yên hơmâo dăp hơdră hlâo laih, kiăng ngă tui lu bruă jơnum hơdor glăi 50 thun hrơi pơklaih rơngai kual Dơnung, pơlir truh kih lŏn ia jing sa; djru kơ bruă čơkă tuai hyu ngui, anăp nao pơhrui glăi bơwih ƀong huă đĭ truh 8% tui hăng tơhnal pơkă.

VOV4.Jarai-Čuru lĕ sa amăng hơdôm djuai ania ƀiă dŏ sui thun mơ̆ng đưm đă laih amăng kual Dap Kơdư, lu biă mă ñu ƀơi tơring čar Lâm Đồng hăng Ninh Thuận. Mah mrô mơnuih djuai ania anai ƀiă, samơ̆ Čuru lĕ sa djuai anai dŏ djă pioh lu gru grua hiam mơ̆ng đưm, hrŏm hăng tơlơi phiăn juăt dŏ dong ƀong huă, bruă ngă yang pơpŭ laih anun ia rơgơi tơlơi kơhnâo boh pơhiăp pơtưh, er tơlơi adoh, tơlơi akhan, hri djop mơta kơhnâo biă mă.