Tlam lơ 7/4, ƀơi mông jơnum lok sa, Khua mir sir lăi pơthâo anăn ƀing tơbiă anăn, pioh ruah ngă khua dêh čar rơwang bruă thun 2026-2031. Giong pơčrong sai, pơsit hĭ anăn, ƀing khua mua pơ ala mơnuih ƀôn sang dêh čar pơphun ruah khua dêh čar hăng hơdră plĕ hră. Boh tơhnal, ơi Lê Minh Hưng-ding kơna Ding jum kơđi čar, ding kơna Khul git gai ping gah dêh čar, Khua pơphun bruă ping gah dêh čar, pô pơ ala mơnuih ƀôn sang dêh čar tal XVI dưi hơmâo ƀing pơ ala mơnuih ƀôn sang dêh čar ruah đĭ ngă khua dêh čar rơwang bruă phrâo thun 2026-2031.

Hră pơtrun kơ bruă ruah khua dêh čar hăng ơi Lê Minh Hưng ăt dưi hơmâo ƀing pơ ala mơnuih ƀôn sang pơsit hĭ hăng 495/495 čô nao jơnum tŭ ư jing 100% mrô mơnuih ƀuh ƀô̆ mơta, truh 99% mrô ƀing pơ ala mơnuih ƀôn sang dêh čar.

Khua dêh čar phrâo ơi Lê Minh Hưng thun tơkeng 1970; plơi pla să Tứ Mỹ, tơring čar Hà Tĩnh; hrăm bruă kơđi čar gưl dlông hloh; tơlơi hrăm gah bruă mă Thạc sĩ bruă ngă dăp jơlan hơdră amăng kơnuk kơna; Hrăm gưl prong gah bruă dăp hơdră amăng kơnuk kơna, hrăm gưl prong tơlơi pơhiăp Prang.