Mơ̆ng lơ 11 truh lơ 13/4/2026 ƀơi tơring čar Quảng Ninh amra pơphun jơnum prong Pơplông jua pơhiăp pơtui amăng brô̆ đơ đam dêh čar tal 17-Quảng Ninh 2026 hăng akŏ ñu “Jua pơhiăp yua Việt Nam hing ang, pơdrong sah”. Anai lĕ tơlơi pơhing dưi ba tơbiă ƀơi mông jơnum lăi pơthâo tơlơi pơhing kơ tal Pơplông jua pơhiăp dêh čar tal 17 yua Gong phun jua pơhiăp Việt Nam (VOV) ngă hrŏm jơnum min mơnuih ƀôn sang tơring čar Quảng Ninh jơnum tlam lơ 30/3 ƀơi sang bruă pơtui jua pơhiăp dêh čar mrô 58 jơlan Quán Sứ Hà Nội.

Tui hăng Kơ-iăng khua Gong phun jua pơhiăp Việt Nam ơi Phạm Mạnh Hùng, anŏ kiăng lăi nao tal pơplông thun anai lĕ tal blung a jơnum bơkơtuai hăng jar mar kơ Podcast, pơtum 35 čô mơnuih rơgơi kơhnâo hăng lu grup mơ̆ng jar kmar glăi jơnum hrŏm.

Biă mă ñu, tal pơplông anai ăt jak iâu ƀing rơgơi kơhnâo jar kmar rai čom puang  jơlan hơdră pơtui jua pơhiăp Podcast. Tơlơi anai, ƀuh rơđah, jai hrơi hơdôm tơlơi pơhing pôr Podcast, djơ̆ anăp tơlơi pơđĭ kyar phrâo mơ̆ng bruă pôr tơlơi pơhing, lơ̆m rơnuk ba tơlơi pơhing hăng lu atur ia rơgơi. Amăng tal pơplông jua pơhiăp dêh čar tal 17 pơphun lu bruă mă; Jơnum bơkơtuai jar kmar; Podcast-Anŏ pơčeh phrâo brơi kơ hơdră pơtui jua pơhiăp rơnuk ia rơgơi mrô. Jơnum bơkơtuai tơlơi thâo bruă ngă “Pơtui jua pơhiăp pơhiăp tom ƀơi anăp, pơtui hmao klôn hăng mơnuih ƀôn sang dŏ hmư̆-hơdră jak iâu mơnuih ƀôn sang pơđing hmư̆; jơnum pơđut tal pơplông hăng apah pri pơplông pơtui jua pơhiăp đơ đam dêh čar ral 17.