Amăng jơnum, ƀing phĭn rup lăi pơthâo jơlan tui bruă phĭn rup hăng bruă pơlir hăng bruă mă rup gru grua djop djuai ania. Lu tơlơi pơgôp brơi thâo, mơng anŏ phara djop mơta amăng tơlơi hơdip mơda, tơlơi phiăn hăng gru grua yôm hơmâo ba glăi tơlơi pơsur ngă bruă mơng ƀing phĭn rup.

Tui mơnuih phĭn rup Nguyễn Xuân Chính, ƀơi Hà Nội, kiăng hơmâo hơdôm pok rup pơdah djop anŏ hiam, ƀing phĭn rup kiăng pioh mông pel ĕp, hơdip hrŏm ƀing mơnuih hăng pơpŭ kơ anŏ yôm gru grua mơng rĭm djuai ania, rĭm kual lŏn.

“Anai lĕ sa amăng tơlơi ngă tơnap lơm phĭn. Hăng hlâo kơ phĭn rup kâo kiăng pel ĕp, kiăng kơ pơđok tong ten kiăng kơ hluh rơđah dong tơlơi phiăn mơng djuai ania anun kiăng ngă hiưm pă dưi tŭ mă hăng phĭn brơi hiam, ĕp lăng tong ten kơ ană mơnuih, kiăng ngă hiưm pă amra dưi pơpŭ kơ anŏ yôm mơng rĭm djuai ania”.

Ƀing thâo phĭn rup ăt lăi pơthâo hơdôm tơlơi tơnap tap lơm nao pơ kual ataih, asuek; tơnap kơ boh pơhiăp, ƀudah bruă ĕp anih, ƀing mơnuih čih phĭn. Samơ̆, mơng hơdôm tơlơi lông anai ngă kơ ƀing phĭn rup gir run, hơdeč hmar hăng hơmâo tơlơi glăm ba ƀiă dong hăng rĭm pok rup mơng ƀing gơñu.

Mơng tơlơi sit nik lơm hyu phĭn rup, ƀing gơñu dưi mut dơlăm amăng gru grua, tơlơi hơdip mơda, mơng anun pơgôp ngă lar hyu gru grua yôm phara djop djuai ania amăng tơlơi hơdip phrâo ră anai; pok phư dong hơdôm jơlan gah phrâo amăng bruă phĭn rup.

Pô phĭn rup Vũ Duy Thương, dŏ amăng phường Tân Lập, tơring čar Dak Lak brơi thâo:

“Mơng hơdôm tơlơi pơlăi nao rai anun jing jơlan gah kiăng lơm phĭn rup ngă hiưm pă huăi rơngiă lu prăk kak, mut dơlăm amăng gru grua, tơlơi sit nik, kar hăng hơdôm tơlơi pơgôp hiăp hơmâo lăi, ƀing ta ƀu dưi pơkra mă phara hăng tơlơi sit nik, pơpŭ brơi anŏ djơ̆, djă pioh gru grua yôm phara samơ̆ kiăng kơ djơ̆, bruă anai lĕ yôm phăn biă mă. Anai lĕ bruă amra ba jơlan brơi ƀing kiăo tui tlôn kiăng ƀing gơñu ngă klă ƀiă hăng tŏ tui hơdôm tơlơi yôm mơng bruă phĭn rup, hrưn đĭ klă dong amăng bruă phĭn rup”.