VOV.Jarai - Čơkă hrơi plĕ hră ruah khua pơ ala mơnuih ƀôn sang dêh čar tal 16 hăng khua pơ ala mơnuih ƀôn sang djŏp gưl, rơwang thun 2026-2031, ƀơi Đường Sách Cà Phê - phương Buôn Ma Thuột, Khul čih tơlơi ră ruai adoh suang tơring čar Dak Lăk pơdă prưng rup hiam hăng anăn “Blan klâo amăng pran jua kâo”, laih dong pơplông phin rup “Yâo mơak kơ abih bang sang anŏ” thun 2026.

VOV.Jarai - Hăng tơlơi hơdip jai hrơi pơplih tui, ƀơi hơdôm boh sang djuai ania Jeh-Triêng ăt dŏ hmư̆ mơn jua không prư̆ mơñam mrai khŭ khŭ, pơklek pơklok. Jua mơñi anun bong glăi tơlơi lăp hơdor mơ̆ng plơi pla, bong glăi kru amĭ, kru yă, hăng bơngăt jua gru grua djuai ania ƀơi lŏn dap kơdư. Hăng djuai ania Jeh-Triêng, mơñam eng ao ƀu djơ̆ kiăng hơmâo eng ao či buh đôč ôh, rim blah eng ao leng kơ hơmâo pran jua, hơmâo tơlơi khăp, tơlơi ră ruai mơ̆ng glai klô mơit pioh amăng rim hrĕ mrai, rim gru bơnga ƀơi bơnal.

VOV.Jarai-Mơguah tom brơi, lơ 10/3, Jơnum min mơnuih ƀôn sang tơring čar Dak Lak jơnum jao pri apah bơni pơčeh phrâo gru kơnăl (Logo) thâo krăn rup phrâo tơring čar Dak Lak hăng pơdah tơlơi adoh suang hơdor glăi 51 thun hrơi Blah dưi Ƀuôn Ma Thuôt ( lơ 10/3/1975-lơ 10/3/2026), čơkă hơ̆k mơak ruah khua pơ ala mơnuih ƀôn sang dêh čar ta l XVI hăng ƀing pơ ala mơnuih ƀôn sang djop gưl guang bruă thun 2026-2031.

VOV.Jarai - Ƀơi Sang djă pioh gơnam đưm Dak Lăk (phương Buôn Ma Thuột), Gơnong bruă Gru grua, Bơrơguăt drơi jăn hăng Tuai čuă ngui tơring čar Dak Lăk pơphun Jơnum pơdă prưng “Dak Lăk hăng Khua mua pơ ala mơnuih ƀôn sang dêh čar - Kjăp pran đăo kơnang - Hrŏm tơlơi kơtưn đĭ”.

VOV.Jarai-Ƀơi Lâm Hà, tui glông rô gru grua rôk tui ia krông Dă Đờng (ia krông prong), rup rap grup atông čing đah kơmơi lĕ tơlơi kơđŏm glăi yôm phara. Hiam mơ-ak amăng hơdôm jua čing, ƀing adơi amai ƀu djơ̆ kơnong ngă hiam tui gru grua čing hơgor mơng djuai ania K’ho đôč ôh mơ̆ ăt glăk pơgôp djă pioh, tŏ tui gru grua yôm phara, ba glăi pran hơdip phrâo brơi gơnong bruă tuai čuă ngui ƀơi ƀon lan.

VOV.Jarai-Amăng gơnam ƀong huă mơng djuai ania Jarai, tang liang ƀu djơ̆ kơnong añăm ƀong đôč ôh mơ̆ ăt lĕ gơnam djă pioh ia ƀâo mơñâo mơng plơi pla. Mơng blan sa truh pơ blan tlâo, neh met wa djuai ania Jarai juăt nao pĕ tang liang ƀong-anai lĕ gơnam yua glai rưng pơhrưh brơi ană mơnuih yua.

VOV.Jarai-Tơlơi kơ hrơi ƀong tê̆t, mơnuih djuai ania Mường ƀơi phường Tân Lập, tơring čar Dak Lak pơtum pơƀut ƀơi Đình Lạc Sơn pơphun ngă yang ruh trun, arăng juăt iâu lĕ pơtrun gong drai. Anai lĕ tơlơi ngă yang tui phiăn ngă hmua sui mơng đưm hlâo hơmâo neh met wa djă pioh hăng tŏ tui amăng kual lŏn phrâo.

VOV.Jarai - Hơdôm hrơi akŏ thun phrâo Bính Ngọ 2026, lơ̆m plơi prong čư̆ siăng mut amăng bơyan hiam hloh, anih hơdip mlăm Čơ anet Pleiku arăng iâu Phố đêm Chợ Nhỏ ƀơi phường Pleiku, tơring čar Gia Lai dik dak, mơtuk mơtul mơnuih nao rai hloh. Arăng luh nao lăng, ngui, ƀong huă, anun yơh jing tơlơi mơak phara hloh.

VOV.Jarai-Ngă tui bruă jak iâu ruah khua pơ ala mơnuih ƀôn sang dêh čar tal XVI hăng ƀing pơ ala mơnuih ƀôn sang tơring čar rơwang bruă thun 2026-2031; hơdor glăi tal 116 thun Hrơi jar kmar pioh kơ ƀing đah kơmơi hrơi lơ 8/3/1910-lơ 8/3/2026 hrŏm hăng lu hrơi jơnum prong amăng blan 3, Khul đah kơmơi mut phung tơring čar Dak Lak pơphun jak iâu “Sa guang hrơi tơjuh buh ao dai” hăng pơphun ayun suang amăng tơring čar.

VOV.Jarai - Lơ 23/2, Gơnong bruă Gru grua, Bơrơguăt drơi jăn hăng Tuai čuă ngui tơring čar Lâm Đồng ngă hrŏm hăng Jơnum min mơnuih ƀôn sang să Hàm Thuận Nam pơphun ngui mă pri apah bơni “Đĭ čư̆ Tà Cú tơring čar Lâm Đồng pok prong” thun 2026.