VOV.Jarai-Ƀañ rơya lĕ ƀañ ƀong gru grua mơng neh met wa djuai ania Čăm ƀơi tơring čar Lâm Đồng, hơmâo arăng pơkra jơman biă. Tơdah hlâo adih ƀañ kơnong yua ngă gơnam pơyơr amăng hrơi ngui ngor, ră anai, mơng tơngan rơmoăn rơmĕ mơng ƀing gơñu, đah kơmơi djuai ania Čăm dŏ ƀơi să Hồng Thái, tơring čar Lâm Đồng hơmâo ba ƀañ anai jing gơnam sĭ mơdrô, ba hyu sĭ lu anih amăng tơring čar hăng pơkŏn dong.

VOV.Jarai-Mơng tơlơi hơdip dik dak mơ-ak jum dar dơnao Ea Kao, truh pơ tơlơi anăp nao pơđĭ kyar anih ngui pơdơi pran, taih golf hăng đang glai jum dar, Dak Lak glăk ƀơƀrư̆ ngă mơdưh tơlơi dưi, pok rai sa anih pơđĭ kyar phrâo mơng Dap kơdư hrưn tơbiă nao ia rơsĭ.

VOV.Jarai - Anom bruă gru grua, bơkjăp drơi jăn hăng tuai čuă ngui tơring čar Lâm Đồng glăk pơtrut mă yua boh thâo, kiăng ngă hlâo pơkra glông djă pioh hră pơ-ar, tơlơi pơhing đah mơ̆ng pơđĭ tui bruă wai lăng, pơƀuh hyu hăng bơwih kơ ƀing tuai.

VOV.Jarai-Amăng Hrơi jơnum mơak gru grua djuai ania Čăm tal VI, jơnum pơčrong sai boh thâo ia rơgơi “Djă pioh hăng pơđĭ tui anŏ hiam gru grua djuai ania Čăm rơnuk phrâo” hơmâo pơhưč lu mơnuih rơgơi kơhnâo hăng ƀing ngă bruă mơdrô gah bruă tuai hyu ngui nao pơhmư̆. Lu ƀing nao jơnum lăi pơtong, bruă djă pioh gru grua hiam djuai ania Čăm ( Čam) ƀu kơnong djă pioh kông ngăn đưm hiam klă đôč ôh, dŏ jing pran kơtang pơđĭ kyar pơhưč ƀing tuai hyu ngui laih anun bruă tuh tia pơkra ming gơnam gru grua amăng rơnuk ba yua ia rơgơi mrô. Atur ia rơgơi mrô kông ngăn gru grua hiam djuai ania Čăm ăt hơmâo lăi pơthâo, pok pơhư kơ bruă pôr pơthâo hăng pơtruh brơi kơ tuai đơ đam rŏng lŏn tơnah thâo.

VOV.Jarai-Djuai ania Jarai kual gah ngŏ dơnung tơring čar Gia Lai dŏ djă pioh lu mơta gơnam gru grua hiam đưm phara biă mă ƀiă anih đôč dŏ hnơ̆ng kah hăng pơ anai. Anun lĕ ring čing arap, čing tơnah kông ngăn gru grua, jua mơñi mơak phara hơjăn đôč, dŏ djă pioh lu rơnuk, hnơr thun ană tơčô mô yâo. Hrŏm hăng anun, ayun suang taih hơgor, suang arap, mut tơma hăng jua čing laih anun yŭ ayun suang yĭ yư̆ tơngan hơdai tơkai juă bă blai tơlơi mơak pơpŭ pơyom kơ bơngăt jua mơ̆ng hrơi ngă yang ngui ngor mơak gru grua Jarai hơbai.

VOV.Jarai-Ƀơi phường Đông Hải, tơring čar Khánh Hòa, lu mơnuih ƀôn sang, tuai čuă ngui hok mơ-ak hrŏm hrơi jơnum ngui gru djuai ania Čăm tal VI-thun 2026. Anai lĕ bruă pơpŭ kơ gru grua, ngă kơjăp tui pran gum pơgôp hăng djru pok rai anih pơđĭ kyar hơđong kjăp amăng rơnuk phrâo.

VOV.Jarai - Ƀing rơgơi tơnă hơbai klâo boh dêh čar pơčeh pơkra añăm mơ̆ng sâu riêng Dak LăkAmăng hơdôm bruă pôr pơhing anăp nao hrơi jơnum prong Sầu riêng Dak Lăk thun 2026, anom bruă gru grua phrâo pơphun ngui Talkshow pơƀuh tơlơi rơgơi pơkra gơnam ƀong mơ̆ng sâu riêng. Ƀơi mông ngui, ƀing rơgơi tơnă hơbai mơ̆ng 3 boh dêh čar (Việt Nam, Thái Lan, Malaysia), pơčeh rai gơnam ƀong jơman biă mơ̆ng sâu riêng Dak Lăk.

VOV.Jarai - Tơdơi kơ 3 hrơi jơnum ngui, mơmot kơnôl 28/6, ƀơi phường Phan Rang, tơring čar Khánh Hoà, Hrơi jơnum ngui gru grua djuai ania Chăm tal 6 thun 2026 pơđut hĭ laih, pơjưh hĭ bruă ngui ngor adoh suang, bơkjăp drơi jăn, čơkă tuai hyu ngui mơak mơ̆ng neh met wa Chăm mơ̆ng 7 boh tơring čar, ƀôn prong.

VOV.Jarai - Amăng sang dŏ anet đôč ƀơi ƀon Ja Rah, să Nâm Nung, tơring čar Lâm Đồng, yă H’Brơi glăk gir djă pioh gru ama grua amĭ hăng lu bruă ngă hiam biă kah hăng djă pioh tơlơi adoh đưm, čing hơgor M’nông hăng pơtô glăi kơ ƀing čơđai dong.

VOV.Jarai-a hơmâo hơdôm tơlơi pơpŭ bơni ƀu dŏ kơnong hăng boh pơhiăp đôč ôh ăt hơmâo pơphun hăng tơlơi ngă yang yôm phăn. Hăng mơnuih djuai ania Jarai ƀơi Gia Lai, hrơi ngă yang pơpŭ kơ amĭ ama lĕ hrơi mông kiăng ană tơčô mô yâo hơdor tơngia kơ amĭ ama čem rông truh prong giong mơnuih, laih dong kiăng djă pioh gru grua hiam mơng djuai ania pô.