Lâm Đồng pơmut boh thâo mrô djŏp anih nao ngui hăng kông ngăn gah bruă čơkă tuai hyu ngui
Thứ năm, 10:09, 09/07/2026
VOV Tây Nguyên/Siu H'Mai Pơblang
VOV Tây Nguyên/Siu H'Mai Pơblang
VOV.Jarai - Anom bruă gru grua, bơkjăp drơi jăn hăng tuai čuă ngui tơring čar Lâm Đồng glăk pơtrut mă yua boh thâo, kiăng ngă hlâo pơkra glông djă pioh hră pơ-ar, tơlơi pơhing đah mơ̆ng pơđĭ tui bruă wai lăng, pơƀuh hyu hăng bơwih kơ ƀing tuai.
Glông čơkă tuai hyu ngui rơgơi mơ̆ng tơring čar Lâm Đồng ră anai hơmâo pơmut tơlơi pơhing mơ̆ng giăm 1.700 anih đih pơdơi, 928 boh sang mơdrô gơnam ƀong huă, ia mơñum, 283 anih čuă ngui, 137 anih blơi gơnam, 617 anih ngui ngor hăng 644 anih gêh găl hơmâo bơwih brơi gah rơngiao.
Anai jing tơlơi akŏ phun yom biă bơwih brơi bruă wai lăng kơnuk kơna, pơtruh pơƀuh anih čuă ngui, laih dong pơƀuh djŏp tơlơi pơhing kơ anih čuă ngui hăng hơdôm bruă bơwih brơi kơ mơnuih ƀôn sang hăng ƀing tuai rơnguai. Yă Lê Thị Trúc Linh, Kơ-iăng khua gơnong bruă gru grua, bơkjăp drơi jăn hăng tuai čuă ngui tơring čar Lâm Đồng, brơi thâo, tơring čar ăt pok pơhai yua mrô QR brơi nao djŏp tơlơi pơhing ƀơi lu anih čuă ngui hmư̆ hing mơ̆ng tơring čar./.
Viết bình luận