VOV.Jarai-Ngă yang pin ia lĕ sa tơlơi ngă yang bơngăt jua yom biă mă amăng tơlơi hơdip, bruă mă, tơlơi dŏ dong ƀong huă mơ̆ng djuai ania Bahnar ƀơi kual Dap Kơdư. Ƀu kơnong mông pioh kơ bruă pơtum ană plơi, iâu lăi rơkâo kiăng hlim rơnang phang mơak, ngă pưk hmua pơdai jor kơtor lu đôč ôh, dŏ jing tơlơi phiăn pơtô hiam brơi ană mơnuih jĕ giăm hăng glai klô, čư̆ čan, lơ̆n mơnai, ia yua tong ten hloh amăng plơi pla ala ƀôn.

VOV.Jarai-Mơng akŏ thun truh ră anai, tơring čar Dak Lak čơkă giăm 7,3 klăk tuai čuă ngui, đĭ rơbêh 36% pơhmu tui tơđar thun hlâo.

VOV.Jarai-Tlam mơmŏt kơnôl 17/8, ƀơi Sang bruă djă pioh gơnam gru grua Dak Lak, amăng tal jơnum ngui bruă Sầu riêng Dak Lak thun 2026, Gơnong bruă Gru grua, Pơrơguăt drơi jăn hăng Tuai čuă ngui tơring čar lăi pơthâo jơlan hơdră adoh suang gru grua đưm djuai ania Êđê “sang dlông show”.

VOV.Jarai-Tlam mơmŏt kơnôl 15/8, ƀơi tơdron lăk 10/3,  phường Ƀuôn Ma Thuôt, tơring čar Dak Lak hơmâo pok jơnumm prong ngui bruă sầu riêng thun 2026 hăng akŏ ñu “Sầu riêng Dak Lak-pơtruh nao rai pơ ataih”. Anai lĕ tal blung a jơnum ngui bruă Sầu riêng dưi pơphun prong gưl tơring čar, hăng 17 mơta bruă mă ƀơi lu plơi pla amăng đơ đam tơring čar dơ̆ng mơ̆ng kơnôl 15/8 truh kơnôl 2/9.

VOV.Jarai-Ƀơi mông jơnum ngui pơdă sĭ mơdrô mơnong ƀong huă mơ̆ng Sầu riêng Dak Lak thun 2026, 102 mơta mơnong ƀong arăng pơkra hrŏm mơ̆ng boh sầu riêng, hơmâo čih pioh amăng hơdrôm hră djă pioh bruă ngă phrâo, lu hloh Việt Nam.

VOV.Jarai-Ƀơi anih ngui adôh suang ƀơi gong kut “Djai pơsăn drơi kiăng lŏn ia rơngai” hăng jơlan Đinh Tiên Hoàng, kông ang ƀôn prong Hà Nội gum hrŏm hăng Sang ngui adôh suang, ngă sen Hà Nội hăng sang ngui adôh suang dêh čar Việt Nam pơphun jơlan hơdră ngui adôh suang hăng anăn “81 bơyan rơnuk rơnua”.

VOV.Jarai-Dơ̆ng mơ̆ng gơnam yua amăng sang anŏ juăt ƀuh kah hăng tơpủ apui rŏm djuh, pra gêt ia, tơrưng tơƀăk kơtor krô, atông pơdai hơjai tơnuh  truh pơ sang apui anih huă ƀong mơ̆ng djuai ania Jarai hơmâo pơƀuh brơi jing hĭ tơlơi ră ruai gru grua hiam amăng plăng tơlơi pơhing mơnuih mơnam juăt lăi facebook, ñu ngă phara hơjăn đôč. Yua mơ̆ng sang apui, tơpur anun yơh, amai Ksor H’Liên, plơi Ŏ, să Ia Hrung, tơring čar Gia Lai lăi pơthâo lu mơta mơnong ƀong huă juăt hơmâo mơ̆ng djuai ania ta pô kiăng lu mơnuih thâo, laih anun ƀơƀrư̆ ĕp prăk mơ̆ng bruă ngă hiam klă anun.

VOV.Jarai-Pơhrua nao kơ bruă lăi pơthâo anih anom hiam hăng hơdôm bruă ngă pôr pơthâo tơlơi pơhing ber, tơring čar Gia Lai hlăk ruah mă hơdră ră ruai phrâo: pioh pơdah rup pơƀuh sit nik, rup phim hăng hơdôm mơta tơlơi adoh rơnuk anai, pơtum lu mơnuih pơdah brơi mơnuih ƀôn sang ĕp, ƀing tuai lăng thâo tơlơi ră ruai kơ lŏn mơnai glai klô. Ƀơi anun, mơnuih ƀôn sang jing sa črăn mơ̆ng bruă tuai găn rơgao kiăng thâo, pioh kơ rim jơlan hơdră, rup phim pơdah thâo kơ Gia Lai ăt dưi bang bơngač hloh hăng tơlơi pơhưč pran jua ƀing tuai djă ba.

VOV.Jarai-Pra yang Pô Sah Inư lĕ ring bruă man pơdong đưm djuai ania Čăm hăng rơbêh hơdôm rơtuh thun laih rơgao, pơdong ƀơi kơčong čư̆ Bà Nài, phường Phú Thủy, tơring čar Lâm Đồng. Hăng rơnoh yom gru grua đưm hăng gru grua hiam phara hơjăn đôč, anih hơmâo kông ngăn gru gruaia rơgơi đưm anai mơ̆ng hlâo laih pơhưč ƀing tuai amăng dêh čar hăng tač rơngiao nao ĕp lăng.

VOV.Jarai - Tlam tom brơi (13/8), ƀơi Đà Lạt, Jơnum min mơnuih ƀôn sang tơring čar Lâm Đồng hăng Sang bruă anih jưh pơ ala dêh čar India ƀơi ƀôn prong Hồ Chí Minh pơphun Jơlan hơdră ngui ngor pơtruh nao rai ngă hrŏm đĭ kyar čơkă tuai.