VOV.Jarai-Ƀu kơnong pơgôp hrŏm ngă phrâo kơ tơlơi adoh suang, jua gông brô̆ djuai ania đôč ôh, dŏ djă pioh gru grua hiam Việt Nam, sa jơlan hơdră adoh suang pơdah thâo rơbêh 30 mơta gông brô̆ gru grua đưm, lir hơbit hăng ia rơgơi tơlơi kơhnâo phrâo jua mơñi 3D rơnuk anai hlăk jing anŏ pơhưč phrâo pioh kơ ƀing tuai hyu ngui amăng mlam ƀơi ƀôn prong Hồ Chí Minh. Tơlơi lir hơbit anai, gông brô̆, tơlơi adoh đưm hăng rơnuk phrâo hăng mơnong ƀong huă mơ̆ng klâo bơnah hơmâo pơhưč lu mơnuih ƀôn sang hăng tuai jar kmar nao ĕp lăng rim tlam mơmŏt.

VOV.Jarai - Tlam tom brơi (16/6), Jơnum min mơnuih ƀôn sang tơring čar Dak Lăk ngă bruă hăng Gơnong bruă Gru grua, Bơkjăp drơi jăn hăng Tuai čuă ngui hrŏm hăng hơdôm anom bruă bơdjơ̆ nao či pơhmư̆ tơlơi lăi pơthâo Akŏ bruă đĭ kyar tuai hyu ngui tơring čar Dak Lăk rơwang thun 2026-2030, lăng nao truh pơ thun 2050.

VOV.Jarai-Jơnum min mơnuih ƀon sang tơring čar Lâm Đồng phrâo ba tơbiă akŏ bruă pơphun Festival Bơnga Đà Lạt tal XI-thun 2026 hăng anăn “Đà Lạt-Tơlơi pơmut hrŏm bơnga hiam hăng jua gông brô̆”, hơmâo 11 jơlan hơdră phun hăng 25 bruă mut hrŏm.

VOV.Jarai - Amăng tơlơi hơdip pơplih rim hrơi, ăt dŏ hơmâo mơn mơnuih kret kruai ngă bruă djă pioh bơngăt jua gru ama grua amĭ hăng tơlơi khăp, tơlơi gir kơtang biă. Hăng mơnuih rơgơi kơhnâo K’Brèm (ƀơi să Bảo Lâm 1, tơring čar Lâm Đồng) tơlơi adoh K’Ho, Mạ ƀu kơnong tơlơi adoh, er adoh, yŭ čing đôč ôh, amăng anun ñu hơmâo anŏ hơdor, pran jua, gru grua mơ̆ng djuai ania dong.

VOV.Jarai-Bơngač apui jă mơng apur tong krah sang Êđê, hơdôm tơlơi akhan hri ƀu djơ̆ kơnong lĕ tơlơi bơră ruai lăi nao ƀing mơnuih sông kơtang đưm hlâo đôč ôh mơ̆ ăt anai lĕ anih djă pioh gru grua sô hơđăp hăng tơlơi hơdip mơyang mơng djop djuai ania kual Dap kơdư. Găn rơgao djop rơnuk, tơlơi akhan ăt lĕ hrĕ tơkuh nao rai ană plơi pla hăng atur phun, djă pioh glăi hơdôm tơlơi sô hơđăp mơng plơi pla hăng tơlơi yôm khăp pap mơng ană mơnuih. Gru grua anai glăk hơmâo gơnong bruă bơdjơ̆ nao gir run djă pioh hăng lăi pơthâo kiăng pơhrua lu dong anŏ hiam amăng tơlơi hơdip ƀơi kual Dap kơdư.

VOV.Jarai - Amăng glai rưng Trường Sơn, anih hơmâo plơi pla neh met wa Pa Cô dŏ hơdip giăm tơkai čư̆ hăng ter čroh ia, ăt djă pioh mơn tơlơi phiăn lăp hơdor bơdjơ̆ nao bruă phat kơđi, bơyai kơđi hăng pran jua mơnuih ƀôn sang. Anun lĕ tơlơi ngui ngor A Riêu Âr Pục, sa tơlơi ngui ngor mơak, kah hăng “anih bơyai kơđi” pơsir hĭ tơlơi ƀu mơak, bơrơdjơ̆ bơrơsao amăng plơi pla djuai ania Pa Cô mơ̆ng đưm truh ră anai.

VOV.Jarai - Gơnong bruă Gru grua, Bơkjăp drơi jăn hăng Tuai čuă ngui tơring čar Dak Lăk phrâo jơnum mă tơlơi pơgôp hiăp kơ Akŏ bruă đĭ kyar čơkă tuai hyu ngui Dak Lăk rơwang thun 2026-2030, lăng nao truh pơ thun 2050. Mông jơnum hơmâo khua mua mơ̆ng hơdôm gơnong bruă, tơring tơrang, mơnuih kơhnâo, anom mơdrô, laih anun anom bruă bơwih ƀong čơkă tuai.

VOV.Jarai-Ƀơi sang djă pioh gơnam sô hơđăp tơring čar Dak Lak pơphun hơdôm bruă pơtô pơjuăt, ĕp lăng hăng anăn “Dik dak bơyan pơdơi prong”. Bruă mă anai pơphun ƀrô hrơi jar kmar pioh kơ ƀing čơđai lơ 1/6 hăng mut hrŏm hrơi wai pơgang ayuh hyiăng jar kmar 5/6, ba glăi anih ngui brơi ƀing čơđai amăng kual tong krah Buôn Ma Thuột hăng hơdôm kual ieo gah.

VOV.Jarai - Tơdơi kơ pơmut hrŏm, Dak Lăk jing tơring hơmâo anih hyu čuă ngui prong biă, mơ̆ng lŏn Dap Kơdư trun nao pơ ia rơsĭ Dơnung Tong Krah, hmư̆ ư kơphê, sâu riêng, rơman Bản Đôn, ia krông rô đĭ gah kơdư, lŏn drot mriah bazan hăng kual tong wing hiam. Bruă pơtruh glai rưng hăng ia rơsĭ pok rai lu tơlơi čang rơmang đĭ kyar kơtang bruă čơkă tuai amăng kual, pơgôp rơnoh đĭ kyar amăng tơring čar. Khă hnun, gah tlôn tơlơi gêh găl anun, hơdôm tơlơi ngă kơđông, laih anun aka ƀu găl mơ̆ng bruă čơkă tuai hyu ngui ăt dŏ hơmâo đôč, ngă kơ bruă bơwih ƀong anai amuñ tơdu sui. Tơlơi čang rơmang čơkă tuai hyu ngui kuar glai rưng – tek nao ia rơsĭ mơ̆ng Dak Lăk ăt hơmâo anŏ pơgăn hĭ mơn yua dah jơlan nao rai ƀu hiam, pơjing tơring čar jing “ataih hning - jê̆ lĕ ƀu hơmâo hơget lơi”.

VOV.Jarai-Mơnuih kơhnâo kơhnăk Đinh Hdot (djuai ania Bahnar) dŏ amăng plơi Đak Pơkao, să Tơ Tung, tơring čar Gia Lai pioh abih pran jua sui thun kiăng akŏ pơjing hăng tŏ tui grup atông čing, adôh tơlơi adôh đưm. Hăng pran hor hăng gru grua djuai ania pô, ñu pơgôp djă pioh jua čing hơgor, tơlơi adôh đưm hăng ngă lar hyu pran pơ-ư ang kơ gru grua djuai ania Bahnar amăng tơlơi hơdip phrâo ră anai.