Dak Lak pơđut anih pơtô ba pah hơgor mơdua, atông tlâo čing ania, rơma čing hlai
Thứ tư, 06:13, 30/09/2026
VOV Tây Nguyên/Nay Jek pơblang
VOV Tây Nguyên/Nay Jek pơblang
VOV.Jarai-Tơdơi kơ 2 blan pơphun anih pơtô hrăm, gơnong bruă gru grua tơring čar Dak Lak ngă hrŏm sang hră đôm lăm kơnuk kơna čem rông ba čơđai sang hră djuai ƀiă djă anăn Đinh Núp, să Phú Mỡ pơđut laih tal pơtô hrăm pah hơgor mơdua, atông tlâo čing ania, rơma čing hlai ƀơi sang hră anai thun 2026.
Jơlan hơdră atông čing, pah hơgor anai lĕ dŏ amăng kơčăo bruă črăn mrô 6 gah Jơlan hơdră mơ̆ng dêh čar pơtrun, kiăng djru pơtrut tơlơi bơwih ƀong huă pơđĭ kyar-mơnuih mơnam kual djuai ƀiă hăng čư̆ siăng brơi “djă pioh, pơđĭ tui rơnoh yom gru grua hiam đưm djop djuai ania ƀiă, lir hơbit bruă čơkă tuai hyu ngui” yua kơ Gơnong bruă Gru grua, Pơrơguăt drơi jăn hăng Tuai čuă ngui tơring čar Dak Lak pô ngă.
Amăng 2 blan pok anih hrăm, ƀing čơđai sang hră hăng hlăk ai să Xuân Lãnh dưi hơmâo ƀing kơhnăk gru đưm pơtô glăi hơdră pah hơgor mơdua, atông tlâo boh čing ania, rơma boh čing hlai. Giong pơtô anih anai, ƀing čơđai sang hră dưi hrăm lu hloh, kiăng thâo atông čing hruaih, tŏ tui djă pioh rơnoh yom gru ama grua amĭ mơ̆ng djuai ania pô.
Viết bình luận