Bruă anai kiăng pok rai bruă ngă hrŏm sit nik, ƀơ ƀrư̆ pơjing anŏ gêh găl jing gơnam hơmâo sit, anih dưi čơkă tuai hăng mrô tuai sit nik plah wah Lâm Đồng hăng India.

Ƀơi mông jơnum ngui ngă hrŏm đĭ kyar čơkă tuai plah wah Lâm Đồng hăng anom bruă čơkă tuai mơ̆ng India, 15 sang bruă mơdrô, khul mă bruă gah čơkă tuai hyu ngui mơ̆ng dêh čar hơmâo lu mơnuih hloh ƀơi rŏng lŏn tơnah pơtŏng sit Việt Nam jing anih čuă ngui phrâo, hmư̆ hing,ngă pơhưč biă mă yua hơmâo anih anom glai klô hiam, prăk hai aset mơn. Ơi Võ Thành Huy, Kơ-iăng khua gơnong bruă gru grua, bơkjăp drơi jăn hăng tuai čuă ngui Lâm Đồng amra pơkra gơnam bơwih brơi lăp djơ̆, klă hloh hăng dưi pơhno ngă pơhưč tuai rơnguai./.