Ƀơi mông mă bruă, khua mua tơring čar Dak Lak rơkâo kơ UNESCO ăt djru čih pơkra hră kiăng pơthâo brơi anăn kông ngăn “Ia rơgơi tơlơi thâo pla pơjing hăng ming pơkra kơphê Dak Lak”, laih dơ̆ng lăi pơthâo hơdră ngă hră pơar čih tŭ yap anih lŏn mơnai kual gah ngŏ tơring čar, anăp nap pơsit anăn đang bơnga pioh hyu ĕp lăng gah rơgup lŏn rŏng lŏn tơnah.

Ơi Jonathan Wallace Baker, Khua anom bruă UNESCO ƀơi Việt Nam brơi thâo, UNESCO amra djru Dak Lak amăng bruă čih pơkra hră pơar kiăng pơsit “Ia rơgơi tơlơi thâo pla pơjing hăng ming pơkra kơphê Dak Lak” pơdah đĭ hăng UNESCO sem glăi laih anun čih pioh, pơsit brơi kông ngăn gru grua hiam bơngăt jua ană mơnuih. Laih dơ̆ng, anom bruă anai ăt amra gum hrŏm tơring čar ngă 3 pok hră pơsit kông ngăn gru grua pơkŏn, amăng anun hơmâo anih Lŏn mơnai đang bơnga gah rơgup lŏn ngă anih hyu ngui ĕp lăng pioh kơ tuai čuă ngui.