Tơlơi jơnum anai hơmâo lu khua mua pơ ala ding jum, anom bruă ƀơi gơnong dlông, mơ̆ng jar kmar, djop sang bruă khua anih jưh pơ ala, mơnuih rơgơi kơhnâo, ƀing kơhnăk hăng sang bruă mơdrô amăng dêh čar hăng mơ̆ng tač rơngiao. Jơnum anai, jing mông gêh găl pioh kơ Dak Lak hrăm tui tơlơi thâo mơ̆ng jar kmar, čih hră rơkâo UNESCO pơsit brơi kông ngăn gru grua; pơtrut bruă pơđĭ kyar kơphê hơđong kơjăp, lir hơbit hăng bruă čơkă tuai hyu ngui laih anun ngă tui bruă pơblih phrâo ba yua măi mok.

Đĭ pơhiăp ƀơi mông jơnum, ơi Nguyễn Minh Vũ, Kơ-iăng khua ding jum pơtom hiăp dêh čar ta lăi, bruă ruah mă kơphê ngă gong jơlan pioh pơtom hiăp gru grua hiam, sa bruă mă pơčeh phrâo lăp djơ̆, djru hrŏm pơčrâo rơđah, lăi pơthâo rơnoh yom mơ̆ng boh troh đang hmua amăng tơlơi hơdip mơda. Kơphê Việt Nam ră anai, ƀu kơnong mut hrŏm dlam amăng rơnoh sĭ mơdrô amăng rŏng lŏn tơnah đôč ôh, dŏ gơgrong hrŏm kah hăng ling jang ba gru grua hiam, tơlơi ră ruai kơ ană mơnuih hăng gru grua djuai ania Việt Nam brơi gơyut gơyâo jar kmar thâo.