Tui hăng Gơnong bruă Gru grua Pơrơguăt drơi jăn hăng Tuai cuă ngui tơring čar Lâm Đồng, amăng 4 hrơi pơdơi pơdă mơ̆ng lơ 30/4 truh abih lơ 3/5, đơ đam tơring hơmâo čơkă truh 620,000 wơ̆t tuai nao ngui, đĭ tui 21% pơkă hăng tal anai thun 2025; amăng anun tuai mơ̆ng jar kmar lĕ 21.000 wơ̆t. Prăk pơhrui glăi mơ̆ng bruă čơkă tuai hơmâo 1.420 klai prăk. Tuai nao ngui lu mơ̆ng hơdôm hrơi pơphun pơdơi pơdă, lu anih pơphun brơi hyu ngui, tuai ĕp lăng hăng dŏ glăi, tŭ jum tuai lu biă mă. Hnơ̆ng tuai dŏ glăi mơ̆ng 70-80%, kơnong hơdôm sang jưh tuai hiam mơ̆ng 3-5 asar pơtŭ tuai dŏ mơ̆ng 85-96%, ƀơi anŏ apah abih anih jưh mơtam. Lu plơi pla, amăng tơring čar, sang bruă mơdrô ba tuai hyu ngui prăp lui klă bruă bơwih bơwăng brơi kơ tuai ngui ngor ƀong huă; pơgang rơnuk rơnua hơđong, anih hyu ngui mơak, rơgoh hơdjă, čih pơtep rơnoh gơnam sĭ mơdrô djơ̆ lăp. Mơ̆ng anun, ăt pơtong rơđah anŏ pơhưč tuai hyu ngui ƀơi Lâm Đồng, anăp nao pơđĭ kyar hơđong kơjăp, tŭ yua hloh.

Tui gơnong bruă gru grua, bơrơguăt drơi jăn hăng tuai čuă ngui tơring čar Dak Lak, amăng 4 hrơi pơdơi ngă yang prong lơ 30/4-1/5, pơhrui mơng tuai čuă ngui ƀơi tơring čar truh 347 klai prăk, đĭ giăm 19% pơhmu hăng thun 2025. Boh than ba glăi mơng bruă pok pơhai tŭ yua hơdôm jơlan hơdră pơtrut pơsur, pơlir hăng hơdôm bruă gru grua-tuai čuă ngui yôm phara. Tơlơi yôm hloh lĕ hơdôm mông ngui đĭ khinh khí cầu jum dar Nghinh Phong, phường Tuy Hòa, ƀudah hyu ĕp lăng gru grua Êđê, tơlơi ngui sô hơđăp, ngui tông čing, ƀong gơnam ƀong gru grua hăng nao lăng arăng hơbai akan ngừ…pơgôp pơhưč lu tuai nao pơ Dak Lak.