Ƀrô tal hơdor glăi 136 thun hrơi tơkeng Khua mir sir Hồ Chí Minh, Khul čih boh pia, adôh suang tơring čar Dak Lak gum hrŏm khul tơhan blah hơdeč kual Dap kơdư hăng Sang hră gưl prong Luật Hà Nội pơdong ƀơi Dak Lak pơphun jơnum lăi pơthâo hăng anăn “Hơdôm hơdrôm hră čih lăi nao Khua mir sir Hồ Chí Minh hăng pran hrưn đĭ mơng hlăk ai”. Jơlan hơdră pơhưč lu mơnuih kơhnâo kơhnăk, ƀing nai pơtô, ƀing apăn bruă, ling tơhan hăng čơđai sang hră mut hrŏm.

Hơdôm tơlơi pơgôp hiăp amăng jơnum pơsit tong, amăng rơnuk pơplih mrô, bruă pơđok hơdrôm hră lăi nao Wa ƀu djơ̆ kơnong ngă rơnuk hlăk ai čơđai hluh rơđah dong kơ gru grua hing ang mơng djuai ania ta đôč ôh ăt pơgôp pơtrut pran hơdip hiam, ba gru hăng thâo glăm ba hăng mơnuih mơnam. Tui pô čih boh pia Niê Thanh Mai, Khua khul čih boh pia, adôh suang tơring čar Dak Lak, pơ anăp anai amra tŏ tui lăi pơthâo lu tơlơi čih lăi nao wa tui lu hơdră phara kiăng ba tơlơi pơmĭn, kơnuih, gru hơdip mơng Hồ Chí Minh jê̆ giăm ƀiă amăng mơnuih mơnam.