Pơdă prưng rup rap lăi pơthâo lŏn mơnai glai čư̆, gru grua Gia Lai
Thứ tư, 08:17, 20/05/2026
VOV Tây Nguyên/Siu Đoan Pơblang
VOV Tây Nguyên/Siu Đoan Pơblang
VOV.Jarai-Ƀơi Sang djă pioh gơnam sô hơđăp tơring čar Gia Lai glăk pơphun pơdă prưng rup rap hăng anăn “Gia Lai-Mơng kual Dap kơdư truh pơ hang ia rơsĭ”, mut hrŏm tal hơdor glăi 136 thun hrơi tơkeng Khua mir sir Hồ Chí Minh hăng hrơi sang djă pioh gơnam sô hơđăp jar kmar.
Pơphun dong mơng lơ 18-22/5, hrơi pơdă prưng lăi pơthâo 148 rup rap tui 5 anăn pơphun hơmâo lŏn mơnai glai čư̆, gru grua, mơnuih djop djuai ania, gơnam ƀong hăng tuai čuă ngui ĕp lăng. Hơdôm pok rup pơdah tong ten anŏ him mơng lŏn mơnai glai čư̆, tơlơi sô hơđăp, gru grua hăng ană mơnuih ƀơi Gia Lai amăng rơwang pơđĭ kyar phrâo.
Hăng kual lŏn mơnai prong rơbêh 21.000 km karê hăng mrô mơnuih rơbêh 3,5 klăk čô, Gia Lai arăng lăng hơmâo lu tơlơi gal pơđĭ kyar yua hơmâo djop mơta amăng lŏn mơnai glai čư̆, lu gru grua yôm phara. Hrơi pơdă prưng kiăng lăi pơthâo rup rap tơring čar jê̆ giăm, pơhưč lu mơnuih, laih dong anăp nao hơnong pơkă wai pơgang hăng lăi pơthâo gru grua pơlir hăng pơđĭ kyar tuai čuă ngui hơđong kjăp.
Viết bình luận