Hơdôm bruă pioh čơkă bơyan ngă yang Phơ̆t đản tui thun đăo phơ̆t 2570-Tui thun ră ta lĕ 2026 ƀơi Lâm Đồng hăng anăn “Pơjing hơbô̆ bruă ngui ngă yang gru grua đăo phơ̆t Việt Nam sui mơng đưm hlâo, anăp nao mut hrŏm tơlơi ngă yang gru grua hăng hơdôm bruă mă tui gru grua, adôh suang, djru brơi tơlơi hơdip mơnuih mơnam”.

Dong mơng anai truh lơ 31/5, ƀơi kual tong krah Đà Lạt, Gia Nghĩa hăng Phan Thiết, tơring čar Lâm Đồng amra pơphun lu bruă mă phara, kơđŏm gru grua, tơlơi ngă yang mơng đăo phơ̆t. Hluai hơdôm bruă mă anai pơgôp lăi pơthâo rup rap đăo phơ̆t Việt Nam lêng kơ yak nao hrŏm djuai ania ta, tŏ tui pran jua yang phơ̆t trun rai, pơgang brơi lŏn ia, rơnuk rơnua brơi mơnuih ƀôn sang amăng rơnuk phrâo.