Festival ia rơsĭ Khánh Hoà 2026 hăng anăn “Ia iom phara kual ia rơsĭ-Hrưn tơbiă jar kmar”
Thứ ba, 08:38, 26/05/2026
VOV/Siu Đoan Pơblang
VOV/Siu Đoan Pơblang
VOV.Jarai-Dong mơng lơ 17-19/7 amra pơphun Festival ia rơsĭ Khánh Hòa 2026 hăng anăn “Ia iom phara kual ia rơsĭ-Hrưn tơbiă jar kmar”. Anai lĕ bruă gru grua-tuai čuă ngui gưl dêh čar hăng hơnong pơkă pơhưč mơng 600 rơbâo-800 rơbâo wŏt mơnuih ƀôn sang hăng tuai čuă ngui amăng lŏn ia hăng dêh čar tač rơngiao.
Festival ia rơsĭ Khánh Hòa 2026 him lăng pơphun giăm 30 bruă gru grua, bơrơguăt drơi jăn, tuai čuă ngui hăng tơlơi adôh suang mơ-ak. Hrom hăng jơlan hơdră phun, Festival ăt hơmâo lu bruă tui gru grua, ĕp lăng hăng sĭ mơdrô anun lĕ jơnum jar kmar kơ pơđĭ kyar tuai čuă ngui amăng ƀattô, jơnum ngui gru grua-gơnam ƀong mơñum mơng hruh čing čăng črah, ngui pơkiăo song nan Khánh Hòa 2026, ngui buh ao adai Việt Nam, ngui por klang pơprong, rơwang hrơi tơjuh sĭ gơnam đang hmua hăng gơnam OCOP, jơnum sang čơ sĭ mơdrô gơnam-gơnam ƀong kual ia rơsĭ, hrŏm hăng jơlan hơdră ngui adôh suang rôk jơlan pơphun brơi tuai čuă ngui.
Viết bình luận