Tơdơi kơ 7 blan pơphun ngă bruă, tơring čar hơmâo ngă giong laih 4 amăng mrô 10 hơnong pơkă hăng 14/32 bruă mă mơ̆ng thun 2026; hơdôm bruă jao kiăng ngă dŏ glăi hơmâo ngă djơ̆ hrơi mông mơn. Tơring čar hơmâo pơtrun lu tơlơi pơkă, hơdră djru yom, hmư̆ hing lĕ Hră pơtrun mrô 03 djru pơgang hăng pơtrut tui anŏ yom gru grua atông čing rơwang thun 2026-2030; pơkra glông djă pioh hră pơ-ar gru grua gơnam yơyom, ngă hră boh thâo thâo hăng hơdôm gơnam gru đưm, anih gru grua đưm; laih dong prăp lui bruă jơnum gru grua, čơkă tuai prong kah hăng Ngui ngor sâu riêng Dak Lăk thun 2026 hăng Ngui ngor kơphê Buôn Ma Thuột tal 10 thun 2027.

Ba bơkơtuai ƀơi mông jơnum, ƀing khua kiăng tuh pơ alin man pơkra anih gru đưm hlâo, pơkra rai gơnam gru grua - čơkă tuai hmư̆ hing, pơmut mrô djŏp gơnam gru đưm, djă pioh boh pơhiăp, boh hră mơ̆ng djuai ania M’nông, Jarai hăng pơđĭ tui prăk kăk kơ bruă gru grua đah mơ̆ng mă yua djŏp gru grua yom pioh đĭ kyar čơkă tuai.

Klah čun mông jơnum, yă Huỳnh Thị Chiến Hòa, Kơ-iăng khua ping gah, Kơ-iăng khua Khul git gai đĭ kyar gru grua tơring čar Dak Lăk lăi dlăm, boh tŭ yua ba glăi blung a pơkra rai phun atur, tơlơi yom hloh lĕ pơjing tơlơi pơtrun jing gơnam gru grua yom, hơmâo bruă pơkra gơnam hăng măi mok hăng bơwih brơi gru grua dưi gum pơgôp rơnoh đĭ kyar mơ̆ng tơring čar.

Yă Huỳnh Thị Chiến Hòa kiăng hơdôm gơnong bruă, tơring tơrang pơƀut ngă giong hơdôm rơnoh dŏ glăi, biă ñu bruă pơmut amăng boh thâo mrô djŏp gơnam yom mơ̆ng đưm, hơmâo anăn hmư̆ hing phara gah gru grua hăng gru grua pơmut boh thâo mrô pơlir hăng anŏ gêh găl phara mơ̆ng Dak Lăk: “Pơƀut ngă klă hơdôm tơlơi dŏ glăi či ngă hăng rơnoh pơkă bơdjơ̆ nao pơmut boh thâo mrô djŏp gru đưm dêh čar hăng anih gru đưm dêh čar yom phara. 10 bruă dŏ glăi mơ̆ng thun 2026 nao pel ĕp pơtrut pơsur ngă bruă na nao đah mơ̆ng hmao pơsir hĭ anŏ tơnap, biă ñu lĕ anŏ gun hơmâo mơ̆ng plơi pla. Akŏ pơjing anăn gơnam pơkra mơ̆ng măi, bơwih brơi gah gru grua lăi hrŏm hăng gru grua pơmut amăng boh thâo mrô lăi hơjăn hơmâo anŏ phara, ngă pơhưč, lăp djơ̆ hăng rim boh tơring”.